نہیں کہ پند و نصیحت کا قحط پڑ گیا ہے
نہیں کہ پند و نصیحت کا قحط پڑ گیا ہے ہماری بات میں برکت کا قحط پڑ گیا ہے تو پھر یہ رد مناجات کی نحوست کیوں کبھی سنا کہ عبادت کا قحط پڑ گیا ہے؟ ملال یہ ہے کہ اس پر کوئی ملول نہیں ہمارے شہر میں حیرت کا قحط پڑ گیا ہے سخن کا کھوکھلا ہونا سمجھ سے باہر تھا کھلا کہ حرف کی حرمت کا قحط پڑ گیا ہے کہیں کہیں نظر آئے تو آئے مصرعۂ تر نہیں تو شعر میں لذت کا قحط پڑ گیا ہے نصیب دل کو بھلا کب رہی فراوانی اور اب تو ویسے بھی مدت کا قحط پڑ گیا ہے مگر اب ایسی بھی کوئی اندھیر نگری نہیں یہ ٹھیک ہے کہ محبت کا قحط پڑ گیا ہے نہیں میں صرف بظاہر نہیں ہوا ویران درون ذات بھی شدت کا قحط پڑ گیا ہے کہاں گئیں مرے گاؤں کی رونقیں جوادؔ تو کیا یہاں بھی روایت کا قحط پڑ گیا ہے
English rendering
Nahin ke pand-o-nasihat ka qaht pad gaya hai Hamari baat mein barkat ka qaht pad gaya hai To phir yeh radd-e-munajaat ki nahusat kyun Kabhi suna ke ibaadat ka qaht pad gaya hai? Malaal yeh hai ke is par koi malool nahin Hamare shehar mein hairat ka qaht pad gaya hai Sukhan ka khokhla hona samajh se baahar tha Khula ke harf ki hurmat ka qaht pad gaya hai Kahin kahin nazar aaye to aaye misra-e-tar Nahin to sher mein lazzat ka qaht pad gaya hai Naseeb-e-dil ko bhala kab rahi farawaani Aur ab to waise bhi muddat ka qaht pad gaya hai Magar ab aisi bhi koi andheer nagri nahin Yeh theek hai ke mohabbat ka qaht pad gaya hai Nahin main sirf bizaahir nahin hua veeraan Daroon-e-zaat bhi shiddat ka qaht pad gaya hai Kahaan gayeen mere gaaon ki raunaqein Jawaad! To kya yahan bhi riwayat ka qaht pad gaya hai