یہ وہم جانے میرے دل سے کیوں نکل نہیں رہا
یہ وہم جانے میرے دل سے کیوں نکل نہیں رہا کہ اس کا بھی مری طرح سے جی سنبھل نہیں رہا کوئی ورق دکھا جو اشک خوں سے تر بہ تر نہ ہو کوئی غزل دکھا جہاں وہ داغ جل نہیں رہا میں ایک ہجر بے مراد جھیلتا ہوں رات دن جو ایسے صبر کی طرح ہے جس کا پھل نہیں رہا تو اب مرے تمام رنج مستقل رہیں گے کیا؟ تو کیا تمہاری خامشی کا کوئی حل نہیں رہا؟ کڑی مسافتوں نے کس کے پاؤں شل نہیں کیے؟ کوئی دکھاؤ جو بچھڑ کے ہاتھ مل نہیں رہا
English rendering
Yeh wahm jaane mere dil se kyun nikal nahin raha Ke us ka bhi meri tarah se ji sambhal nahin raha Koi waraq dikha jo ashk-e-khoon se tar ba tar na ho Koi ghazal dikha jahan woh daagh jal nahin raha Main ek hijr-e-be-muraad jheelta hoon raat din Jo aise sabr ki tarah hai jis ka phal nahin raha To ab mere tamam ranj mustaqil rahenge kya? To kya tumhari khamoshi ka koi hal nahin raha? Kadi musafaton ne kis ke paaon shal nahin kiye? Koi dikhao jo bichhad ke haath mal nahin raha