دل کو سکون روح کو آرام آ گیا
دل کو سکون روح کو آرام آ گیا موت آ گئی کہ دوست کا پیغام آ گیا جب کوئی ذکر گردش آیام آ گیا بے اختیار لب پہ ترا نام آ گیا غم میں بھی ہے سرور وہ ہنگام آ گیا شاید کہ دور بادۂ گلفام آ گیا دیوانگی ہو عقل ہو امید ہو کہ یاس اپنا وہی ہے وقت پہ جو کام آ گیا دل کے معاملات میں ناصح شکست کیا سو بار حسن پر بھی یہ الزام آ گیا صیاد شادماں ہے مگر یہ تو سوچ لے میں آ گیا کہ سایہ تہ دام آ گیا دل کو نہ پوچھ معرکۂ حسن و عشق میں کیا جانیے غریب کہاں کام آ گیا یہ کیا مقام عشق ہے ظالم کہ ان دنوں اکثر ترے بغیر بھی آرام آ گیا احباب مجھ سے قطع تعلق کریں جگرؔ اب آفتاب زیست لب بام آ گیا
English rendering
Dil ko sukūñ rūh ko ārām aa gayā Maut aa ga.ī ki dost kā paiġhām aa gayā Jab koī zikr-e-gardish-e-ayyām aa gayā Be-iḳhtiyār lab pe tirā nām aa gayā Ġham meñ bhī hai surūr vo hañgām aa gayā Shāyad ki daur-e-bāda-e-gulfām aa gayā Dīvāngī ho aql ho ummīd ho ki yaas Apnā vahī hai waqt pe jo kaam aa gayā Dil ke mu'āmalāt meñ nāseh shikast kyā Sau baar husn par bhī ye ilzām aa gayā Sayyād shādmāñ hai magar ye to soch le Maiñ aa gayā ki sāya-e-tah-dām aa gayā Dil ko na pūchh ma'rika-e-husn o ishq meñ Kyā jāniye ġharīb kahāñ kaam aa gayā Ye kyā maqām-e-ishq hai zālim ki in dinoñ Aksar tire baġhair bhī ārām aa gayā Ahbāb mujh se qat'-e-ta'alluq kareñ jigar Ab āftāb-e-zīst lab-e-bām aa gayā