جو اب بھی نہ تکلیف فرمائیے گا
جو اب بھی نہ تکلیف فرمائیے گا تو بس ہاتھ ملتے ہی رہ جائیے گا نگاہوں سے چھپ کر کہاں جائیے گا جہاں جائیے گا ہمیں پائیے گا مرا جب برا حال سن پائیے گا خراماں خراماں چلے آئیے گا مٹا کر ہمیں آپ پچھتائیے گا کمی کوئی محسوس فرمائیے گا نہیں کھیل ناصح جنوں کی حقیقت سمجھ لیجئے گا تو سمجھائیے گا ہمیں بھی یہ اب دیکھنا ہے کہ ہم پر کہاں تک توجہ نہ فرمائیے گا ستم عشق میں آپ آساں نہ سمجھیں تڑپ جائیے گا جو تڑپائیے گا یہ دل ہے اسے دل ہی بس رہنے دیجے کرم کیجئے گا تو پچھتائیے گا کہیں چپ رہی ہے زبان محبت نہ فرمائیے گا تو فرمائیے گا بھلانا ہمارا مبارک مبارک مگر شرط یہ ہے نہ یاد آئیے گا ہمیں بھی نہ اب چین آئے گا جب تک ان آنکھوں میں آنسو نہ بھر لائیے گا ترا جذبۂ شوق ہے بے حقیقت ذرا پھر تو ارشاد فرمائیے گا ہمیں جب نہ ہوں گے تو کیا رنگ محفل کسے دیکھ کر آپ شرمایئے گا یہ مانا کہ دے کر ہمیں رنج فرقت مداوائے فرقت نہ فرمائیے گا محبت محبت ہی رہتی ہے لیکن کہاں تک طبیعت کو بہلایئے گا نہ ہوگا ہمارا ہی آغوش خالی کچھ اپنا بھی پہلو تہی پائیے گا جنوں کی جگرؔ کوئی حد بھی ہے آخر کہاں تک کسی پر ستم ڈھایئے گا
English rendering
Jo ab bhī na taklīf farmā.iye gā To bas haath malte hī rah jā.iye gā Nigāhoñ se chhup kar kahāñ jā.iye gā Jahāñ jā.iye gā hameñ pā.iye gā Mirā jab burā haal sun pā.iye gā Kharāmāñ kharāmāñ chale aa.iye gā MiTā kar hameñ aap pachhtā.iye gā Kamī koī mahsūs farmā.iye gā Nahīñ khel nāseh junūñ kī haqīqat Samajh lījiye gā to samjhā.iye gā Hameñ bhī ye ab dekhnā hai ki ham par Kahāñ tak tawajjuh na farmā.iye gā Sitam ishq meñ aap āsāñ na samjheñ TaḌap jā.iye gā jo taḌpā.iye gā Ye dil hai ise dil hī bas rahne dīje Karam kījiye gā to pachhtā.iye gā Kahiñ chup rahī hai zabān-e-mohabbat Na farmā.iye gā to farmā.iye gā Bhulānā hamārā mubārak mubārak Magar shart ye hai na yaad aa.iye gā Hameñ bhī na ab chain aa.egā jab tak In āñkhoñ meñ āñsū na bhar lā.iye gā Tirā jazba-e-shauq hai be-haqīqat Zarā phir to irshād farmā.iye gā Hameñ jab na hoñge to kyā rañg-e-mahfil Kise dekh kar aap sharmā.iye gā Ye mānā ki de kar hameñ ranj-e-furqat Madāvā-e-furqat na farmā.iye gā Mohabbat mohabbat hī rahtī hai lekin Kahāñ tak tabī'at ko bahlā.iye gā Na hogā hamārā hī āġhosh ḳhālī Kuchh apnā bhī pahlū tahī pā.iye gā Junūñ kī jigar koī had bhī hai āḳhir Kahāñ tak kisī par sitam Ḍhā.iye gā