کوئی یہ کہہ دے گلشن گلشن
کوئی یہ کہہ دے گلشن گلشن لاکھ بلائیں ایک نشیمن قاتل رہبر قاتل رہزن دل سا دوست نہ دل سا دشمن پھول کھلے ہیں گلشن گلشن لیکن اپنا اپنا دامن عشق ہے پیارے کھیل نہیں ہے عشق ہے کار شیشہ و آہن خیر مزاج حسن کی یارب تیز بہت ہے دل کی دھڑکن آ کہ نہ جانے تجھ بن کب سے روح ہے لاشہ جسم ہے مدفن آج نہ جانے راز یہ کیا ہے ہجر کی رات اور اتنی روشن عمریں بیتیں صدیاں گزریں ہے وہی اب تک عشق کا بچپن تجھ سا حسیں اور خون محبت وہم ہے شاید سرخی دامن برق حوادث اللہ اللہ جھوم رہی ہے شاخ نشیمن تو نے سلجھ کر گیسوئے جاناں اور بڑھا دی شوق کی الجھن رحمت ہوگی طالب عصیاں رشک کرے گی پاکئ دامن دل کہ مجسم آئینہ ساماں اور وہ ظالم آئینہ دشمن بیٹھے ہم ہر بزم میں لیکن جھاڑ کے اٹھے اپنا دامن ہستئ شاعر اللہ اللہ حسن کی منزل عشق کا مسکن رنگیں فطرت سادہ طبیعت فرش نشیں اور عرش نشیمن کام ادھورا اور آزادی نام بڑے اور تھوڑے درشن شمع ہے لیکن دھندھلی دھندھلی سایا ہے لیکن روشن روشن کانٹوں کا بھی حق ہے کچھ آخر کون چھڑائے اپنا دامن چلتی پھرتی چھاؤں ہے پیارے کس کا صحرا کیسا گلشن
English rendering
Koī ye kah de gulshan gulshan Lākh balā.eñ ek nasheman Qātil rahbar qātil rahzan Dil sā dost na dil sā dushman Phuul khile haiñ gulshan gulshan Lekin apnā apnā dāman Ishq hai pyāre khel nahīñ hai Ishq hai kār-e-shīsha o āhan Khair-e-mizāj-e-husn kī yā rab Tez bahut hai dil kī dhaḌkan Aa ki na jaane tujh bin kab se Rūh hai lāsha jism hai madfan Aaj na jaane rāz ye kyā hai Hijr kī raat aur itnī roshan Umreñ biitīñ sadiyāñ guzrīñ Hai vahī ab tak ishq kā bachpan Tujh sā hasīñ aur ḳhūn-e-mohabbat Wahm hai shāyad surḳhī-e-dāman Barq-e-havādis Allāh Allāh Jhūm rahī hai shāḳh-e-nasheman Tū ne suljhā ke gīsū-e-jānāñ Aur baḌhā dī shauq kī uljhan Rahmat hogī tālib-e-isyāñ Rashk karegī pākī-e-dāman Dil ki mujassam aa.īna-sāmāñ Aur vo zālim aa.īna-dushman BaiThhe ham har bazm meñ lekin JhāḌ ke uThe apnā dāman Hastī-e-shā'ir Allāh Allāh Husn kī manzil ishq kā maskan Raṅgīñ fitrat sāda tabī'at Farsh-nashīñ aur arsh-nasheman Kaam adhūrā aur āzādī Nām baḌe aur thoḌe darshan Sham'a hai lekin dhundhlī dhundhlī Sāya hai lekin roshan roshan KāñToñ kā bhī haq hai kuchh āḳhir Kaun chhuḌā.e apnā dāman Chaltī phirtī chhā.oñ hai pyāre Kis kā sahrā kaisā gulshan