اب گزارا نہیں اس شوخ کے در پر اپنا
اب گزارا نہیں اس شوخ کے در پر اپنا جس کے گھر کو یہ سمجھتے تھے کہ ہے گھر اپنا کوچۂ دہر میں غافل نہ ہو پابند نشست رہ گزر میں کوئی کرتا نہیں بستر اپنا غم زدہ اٹھ گئے دنیا ہی سے ہم آخر آہ زانوئے غم سے ولیکن نہ اٹھا سر اپنا دیکھیں کیا لہجۂ ہستی کو کہ جوں آب رواں یاں ٹھہرنا نظر آتا نہیں دم بھر اپنا گر ملوں میں کف افسوس تو ہنستا ہے وہ شوخ ہاتھ میں ہاتھ کسی شخص کے دے کر اپنا وائے قسمت کہ رہے لوگ بھی اس پاس نہ وہ ذکر لاتے تھے کسی ڈھب سے جو اکثر اپنا ذبح کرنا تھا تو پھر کیوں نہ مری گردن پر زور سے پھیر دیا آپ نے خنجر اپنا نیم بسمل ہی چلے چھوڑ کے تم کیوں پیارے زور یہ تم نے دکھایا ہمیں جوہر اپنا کیا کریں دل جو کہے میں ہو تو ہم اے جرأتؔ نہ کہیں جائیں کہ ہے سب سے بھلا گھر اپنا
English rendering
Ab guzaara nahin us shokh ke dar par apna Jis ke ghar ko yeh samajhte the keh hai ghar apna Koocha-e-dahr mein ghaafil nah ho paaband-e-nishast Rahguzar mein koi karta nahin bistar apna Gham-zadah uth gaye duniya hi se hum aakhir aah Zaanu-e-gham se wale kin nah utha sar apna Dekhein kya lahja-e-hasti ko keh joon aab-e-rawaan Yaan thehrna nazar aata nahin dam bhar apna Gar miloon main kaf-e-afsos to hansta hai woh shokh Haath mein haath kisi shakhs ke de kar apna Waaye qismat keh rahe log bhi us paas nah woh Zikr laate the kisi dhab se jo aksar apna Zabh karna tha to phir kyun nah meri gardan par Zor se pher diya aap ne khanjar apna Neem-bismil hi chale chhor ke tum kyun pyaare Zor yeh tum ne dikhaya hamein jauhar apna Kya karein dil jo kahe mein ho to hum aye Jurat Nah kahin jaayein keh hai sab se bhala ghar apna