گزر اس حجرۂ گردوں سے ہو کیدھر اپنا
گزر اس حجرۂ گردوں سے ہو کیدھر اپنا قید خانہ ہے عجب گنبد بے در اپنا شکل رہنے کی ہے بستی میں یہ اس بن اپنی جیسے جنگل میں بناتا ہے کوئی گھر اپنا شب کی بے تابیاں کیا کہیے کہ دیکھا جو سحر ٹکڑے ٹکڑے نظر آیا ہمیں بستر اپنا ہم نشیں اس کو جو لانا ہے تو لا جلد کہ ہم تھامے بیٹھے رہیں کب تک دل مضطر اپنا وہ گئے دن کہ سدا مے کدۂ ہستی میں بادۂ عیش سے لبریز تھا ساغر اپنا تاب نظارہ تری لائے نہ خورشید ذرا ہاتھ جب تک کہ نہ رکھ لے وہ جبیں پر اپنا دیں گے سر عشق کے سودے میں اگرچہ ہم کو اس میں نقصاں نظر آتا ہے سراسر اپنا ہے زمیں خوب غزل در غزل اس کو کہیے بس کہ معمول ہے جرأتؔ یہی اکثر اپنا
English rendering
Guzar is hujra-e-gardun se ho kidhar apna Qaid-khana hai ajab gunbad-e-be-dar apna Shakl rehne ki hai basti mein yeh us bin apni Jaise jangal mein banaata hai koi ghar apna Shab ki betaabiyan kya kahiye ke dekha jo sahar Tukre tukre nazar aaya hamein bistar apna Ham-nashin us ko jo laana hai to la jald ke ham Thaame baithe rahein kab tak dil-e-muztar apna Woh gaye din ke sada mai-kada-e-hasti mein Baada-e-aish se labrez tha saaghar apna Taab-e-nazara teri laaye nah khursheed zara Haath jab tak ke nah rakh le woh jabeen par apna Dein ge sar ishq ke saude mein agarchah ham ko Us mein nuqsaan nazar aata hai saraasar apna Hai zameen khoob ghazal dar ghazal us ko kahiye Bas ke maamool hai Jurrat yahi aksar apna