نالۂ موزوں سے مصرع آہ کا چسپاں ہوا
نالۂ موزوں سے مصرع آہ کا چسپاں ہوا زور یہ پر درد اپنا مطلع دیواں ہوا جس نے دیکھا آ کے یہ آئینہ خانہ دہر کا فی الحقیقت بس وہ اپنا آپ ہی حیراں ہوا سب پہ ظاہر ہو گئی بیتابیٔ دل شکل برق وہ بھبھوکا اپنی نظروں سے جو ٹک پنہاں ہوا اس کے جانے سے یہ دل میں آئے ہے رہ رہ کے ہائے سب جہاں بستا ہے اک اپنا ہی گھر ویراں ہوا کاش دل سے چشم تک آنے نہ پاتا طفل اشک رفتہ رفتہ اب تو یہ لڑکا کوئی طوفاں ہوا گر ہوئے وا اس کے لب تو دیکھیے کیا گل کھلے ہو خفا جب بے طرح وہ رونق بستاں ہوا آئے جو مرقد پہ میرے سو مکدر ہو گئے خاک ہو کر بھی غبار خاطر یاراں ہوا روز و شب رہنے لگے اس گھر میں یہ کافر صنم کعبۂ دل صاف اپنا اب تو کفرستاں ہوا جوش وحشت دیکھیو کوئی کہ ہر اک خار کے دھجیاں ہو کر گلے کا ہار یہ داماں ہوا اشک رنگیں نے جو اپنے کر دیا یاں فرش گل رشک صد گلشن ہمیں یہ گوشۂ زنداں ہوا بندھ گیا تیرا تصور جس کی آنکھوں کے حضور اس کو بس عالم وصال و ہجر کا یکساں ہوا یک بہ یک تو نے یہ کیسا رنگ بدلا اے فلک تیری گردش سے کہیں کیا سخت جی ہلکاں ہوا کل تلک جو گھر گھر اپنا تھا سو اس کے در پہ آج نیلا پیلا دیکھ کر کیا کیا ہمیں درباں ہوا گرچہ ہر قالب میں جرأتؔ صورتیں ڈھلتی رہیں پر بنا جو درد کا پتلا وہ ہی انساں ہوا
English rendering
Naala-e-mauzun se misra-e-aah ka chaspaan hua Zor yeh pur-dard apna matla-e-deewan hua Jis ne dekha aa ke yeh aaina-khana-e-dahr ka Fil-haqeeqat bas woh apna aap hi hairaan hua Sab pe zahir ho gayi betaabi-e-dil shakl-e-barq Woh bhabhooka apni nazron se jo tuk pinhaan hua Us ke jaane se yeh dil mein aaye hai rah rah ke haaye Sab jahan basta hai ek apna hi ghar veeraan hua Kaash dil se chashm tak aane nah pata tifl-e-ashk Rafta rafta ab to yeh larka koi toofaan hua Gar huye wa us ke lab to dekhiye kya gul khile Ho khafa jab be-tarah woh raunaq-e-bastaan hua Aaye jo marqad pe mere so mukaddar ho gaye Khaak ho kar bhi ghubaar-e-khatir-e-yaraan hua Roz o shab rehne lage us ghar mein yeh kaafir sanam Kaaba-e-dil saaf apna ab to kufristaan hua Josh-e-wahshat dekhiyo koi ke har ek khaar ke Dhajjiyan ho kar gale ka haar yeh daamaan hua Ashk-e-rangeen ne jo apne kar diya yaan farsh-e-gul Rashk-e-sad-gulshan hamein yeh gosha-e-zindaan hua Bandh gaya tera tasavvur jis ki aankhon ke huzoor Us ko bas aalam-e-wisaal o hijr ka yaksaan hua Yak ba yak tu ne yeh kaisa rang badla ae falak Teri gardish se kahin kya sakht ji halkaan hua Kal talak jo ghar ghar apna tha so us ke dar pe aaj Neela peela dekh kar kya kya hamein darbaan hua Garchah har qalib mein Jurrat sooratein dhalti rahein Par bana jo dard ka putla woh hi insaan hua