اے دلا ہم ہوئے پابند غم یار کہ تو
اے دلا ہم ہوئے پابند غم یار کہ تو اب اذیت میں بھلا ہم ہیں گرفتار کہ تو ہم تو کہتے تھے نہ عاشق ہو اب اتنا تو بتا جا کے ہم روتے ہیں پہروں پس دیوار کہ تو ہاتھ کیوں عشق بتاں سے نہ اٹھایا تو نے کف افسوس ہم اب ملتے ہیں ہر بار کہ تو وہی محفل ہے وہی لوگ وہی ہے چرچا اب بھلا بیٹھے ہیں ہم شکل گنہ گار کہ تو ہم تو کہتے تھے کہ لب سے نہ لگا ساغر عشق مئے اندوہ سے اب ہم ہوئے سرشار کہ تو بے جگہ جی کا پھنسانا تجھے کیا تھا درکار طعن و تشنیع کے اب ہم ہیں سزا وار کہ تو وحشت عشق بری ہوتی ہے دیکھا ناداں ہم چلے دشت کو اب چھوڑ کے گھر بار کہ تو آتش عشق کو سینے میں عبث بھڑکایا اب بھلا کھینچوں ہوں میں آہ شرربار کہ تو ہم تو کہتے تھے نہ ہم راہ کسی کے لگ چل اب بھلا ہم ہوئے رسوا سر بازار کہ تو غور کیجے تو یہ مشکل ہے زمیں اے جرأتؔ دیکھیں ہم اس میں کہیں اور بھی اشعار کہ تو
English rendering
Ae dila hum hue paaband-e-gham-e-yaar keh tu Ab aziyat mein bhala hum hain giraftaar keh tu Hum to kehte the na aashiq ho ab itna to bata Ja ke hum rote hain pehron pas-e-deewaar keh tu Haath kyun ishq-e-butaan se na uthaya tu ne Kaf-e-afsos hum ab malte hain har baar keh tu Wohi mahfil hai wohi log wohi hai charcha Ab bhala baithe hain hum shakl-e-gunahgaar keh tu Hum to kehte the keh lab se na laga saaghar-e-ishq Mai-e-andoh se ab hum hue sarshaar keh tu Be-jagah ji ka phansaana tujhe kya tha darkaar Ta'n-o-tashnee ke ab hum hain sazaawaar keh tu Wahshat-e-ishq buri hoti hai dekha naadaan Hum chale dasht ko ab chhor ke ghar-baar keh tu Aatish-e-ishq ko seene mein abas bharkaaya Ab bhala kheenchoon hoon main aah-e-sharar-baar keh tu Hum to kehte the na hum raah kisi ke lag chal Ab bhala hum hue ruswa sar-e-baazaar keh tu Ghaur keeje to yeh mushkil hai zameen ae Jurat Dekhein hum is mein kahin aur bhi ash'aar keh tu