عمل کچھ ایسا کیا عدو نے کہ عشق باہم لگا چھڑایا
عمل کچھ ایسا کیا عدو نے کہ عشق باہم لگا چھڑایا الٰہی چھٹ جائیں اس کی نبضیں ملاپ جس نے مرا چھڑایا نہ بیٹھے آرام سے وہ گاہے اٹھائے نت دکھ پہ دکھ خدایا کہ جس نے ناحق اٹھا کے بہتان اپنا واں بیٹھنا چھڑایا الٰہی محروم رکھیو اس کو مدام لذات دوجہاں سے اسیر دام فراق کر مجھ کو جس نے میرا مزا چھڑایا نہ دوستی کا اسے ملے پھل نہ کوئی مربوط ہووے اس سے کہ جس نے کر دشمنی خدایا جو ربط آپس میں تھا چھڑایا عروس گیتی سمجھ کے اس کو ذلیل ہرگز نہ منہ لگاوے الٰہی عقد محبت اس سے یہ جس نے میرا بندھا چھڑایا چھٹے گریبان اس کا گاہے نہ پنجۂ رنج سے خدایا کہ دامن وصل ہاتھ اپنے سے جس نے اس شوخ کا چھڑایا الٰہی زندان غم سے پاوے نہ جیتے جی وہ کبھی رہائی کہ جس کے بہکائے سے اب اس نے دل اپنا ہم سے پھنسا چھڑایا لہو جو مشتاق وصل کا تھا چھٹا نہ قدموں سے اس کے ہرگز اگرچہ دھو دھو کے اس نے کتنا بہ شکل رنگ حنا چھڑایا کہے ہے جرأتؔ یہی بہ تکرار درد ہجراں سے ہاتھ مل مل الٰہی چھٹ جائیں اس کی نبضیں ملاپ جس نے مرا چھڑایا
English rendering
Amal kuchh aisa kiya adu ne keh ishq baaham laga chhuraya Ilahi chhut jaaein us ki nabzein milaap jis ne mera chhuraya Na baithe aaraam se woh gaahe uthaaye nit dukh pe dukh Khudaya Keh jis ne naahaq utha ke bohtaan apna waan baithna chhuraya Ilahi mahroom rakhiyo us ko mudaam lazzaat do jahaan se Aseer daam firaaq kar mujh ko jis ne mera maza chhuraya Na dosti ka use mile phal na koi marboot howe us se Keh jis ne kar dushmani Khudaya jo rabt aapas mein tha chhuraya Uroos geeti samajh ke us ko zaleel hargiz na munh lagawe Ilahi aqd mohabbat us se yeh jis ne mera bandha chhuraya Chhute gareebaan us ka gaahe na panja-e-ranj se Khudaya Keh daaman wasl haath apne se jis ne us shokh ka chhuraya Ilahi zindaan gham se paawe na jeete ji woh kabhi rihaai Keh jis ke behkaaye se ab us ne dil apna hum se phansa chhuraya Lahoo jo mushtaaq wasl ka tha chhuta na qadmon se us ke hargiz Agarche dho dho ke us ne kitna ba shakl rang hina chhuraya Kahe hai Jurrat yahi ba takraar dard hijraan se haath mal mal Ilahi chhut jaaein us ki nabzein milaap jis ne mera chhuraya