بہ چمن اب وہ کیا چاہے ہے مے نوش گزار
بہ چمن اب وہ کیا چاہے ہے مے نوش گزار جلد اے پیک صبا گل کے یہ کر گوش گزار نہیں معلوم کہاں جاتے ہیں جوں نشۂ مے جدھر ان روزوں میں ہم کرتے ہیں مدہوش گزار بزم میں مجھ کو جو دیکھا تو یہ جھنجھلا کے کہا ایسی محفل میں کرے ہے مری پاپوش گزار سرنگوں کوچۂ رسوائی میں ہیں آج تلک سو خرابی سے جو اس در پہ کیا دوش گزار عاشق اس پردہ نشیں کے ہیں کہ گر سامنے سے کبھی گزرے ہے تو کرتا ہے وہ روپوش گزار چند روزہ ہے یہ مے خانۂ ہستی یاں تو عمر غفلت میں نہ اے بے خرد و ہوش گزار آ پھنسا عشوہ و انداز و ادا میں یوں دل رہزنوں میں کرے جوں راہ فراموش گزار ہم سفر ہیں تو یہ حسرت ہے کہ کیجے کوسوں اک سواری میں ہوئے اس سے ہم آغوش گزار قدرداں کوئی سخن کا نہ رہا اے جرأتؔ کنج تنہائی میں اوقات تو خاموش گزار
English rendering
Ba chaman ab woh kya chahe hai mai nosh guzar Jald ae paik-e-saba gul ke yeh kar gosh guzar Nahin maloom kahan jate hain joon nasha-e-mai Jidhar in rozon mein hum karte hain madhosh guzar Bazm mein mujh ko jo dekha to yeh jhunjhla ke kaha Aisi mahfil mein kare hai meri paposh guzar Sar-nigoon koocha-e-ruswai mein hain aaj talak So kharabi se jo us dar pe kiya dosh guzar Aashiq us parda nasheen ke hain keh gar samne se Kabhi guzre hai to karta hai woh roposh guzar Chand roza hai yeh mai khana-e-hasti yan to Umr ghaflat mein na ae be khirad-o-hosh guzar Aa phansa ishwa-o-andaz-o-ada mein yun dil Rahzanon mein kare joon rah faramosh guzar Ham safar hain to yeh hasrat hai keh kije koson Ik sawari mein hue us se hum aaghosh guzar Qadrdan koi sukhan ka na raha ae Jur'at Kunj-e-tanhai mein auqat to khamosh guzar