بہ صد آرزو جو وہ آیا تو یہ حجاب عشق سے حال تھا
بہ صد آرزو جو وہ آیا تو یہ حجاب عشق سے حال تھا کہ ہزاروں دل میں تھیں حسرتیں اور اٹھانا آنکھ محال تھا رہا شب جو ہم سے جدا کوئی تو کہے یہ واقعہ کیا کوئی شب ہجر تھی کہ بلا کوئی جسے دیکھتے ہی وصال تھا رخ یار تا نہ پڑا نظر رہے ہم الم سے یہ نوحہ گر کہ ہمارے رنج و ملال پر تو ملال کو بھی ملال تھا کرے کون اس سے برابری مہ و زہرہ سب کو تھی ہم سری دم صبح دیکھ ستم گری رخ مہر ذرہ مثال تھا شب وصل دیکھ کے خواب میں میں پڑا تھا سخت عذاب میں تھے ہزار سوچ جواب میں عجب اس کا مجھ سے سوال تھا مرے جوش اشک سے بہرہ ور ہوئے کل جہان کے بحر و بر نہ برستی آج یہ چشم تر تو خدا نخواستہ کال تھا جو نمود کرتے ہی آپ سے لگے بیٹھنے وہ شتاب سے تو یہ پوچھے کوئی حباب سے کہ پھلائے اپنے یہ گال تھا ہوا میں بھی داخل کشتگاں تو عبث تو ہووے ہے سر گراں کہ مرے گلے کی طرف میاں ترے آب تیغ کا ڈھال تھا دیا کھا کے آپ نے پان جو دل مبتلا ہوا سرخ رو اسے سمجھا پیٹ کا بوجھ وہ جو تمہارے منہ کا اگال تھا جو مریض تھا پڑا جاں بہ لب خبر اور کچھ نہیں اس کی اب مگر اتنا کہتے ہیں لوگ سب کہ بڑا یہ نیک خصال تھا جو چمن سے دور قفس ہوا تو میں اور اسیر ہوس ہوا یہ جو ظلم اب کے برس ہوا یہی قہر اگلے بھی سال تھا نہیں چاہتا ہے اب آسماں کہ ہم اور وہ ہوں بہ یک مکاں کہیں آ گیا جو وہ شب کو یاں کہ بلانا جس کا محال تھا تو یہ رنگ چنبر چرخ کا نظر آئے تھا مجھے برملا کبھی تھا سیہ کبھی زرد تھا کبھی سبز تھا کبھی لال تھا نہ کسی نے قدر کی جرأتؔ اب کہے شعر گرچہ عجب عجب جو نہ ہوں گے ہم تو کہیں گے سب کہ بڑا یہ اہل کمال تھا
English rendering
Ba sad aarzoo jo woh aaya to yeh hijaab-e-ishq se haal tha Keh hazaaron dil mein theen hasratein aur uthana aankh mahaal tha Raha shab jo hum se juda koi to kahe yeh waaqia kya koi Shab-e-hijr thi keh bala koi jise dekhte hi visaal tha Rukh-e-yaar ta nah para nazar rahe hum alam se yeh nauha-gar Keh hamaare ranj-o-malaal par to malaal ko bhi malaal tha Kare kaun us se baraabari mah-o-zahrah sab ko thi humsari Dam-e-subh dekh sitamgari rukh-e-mehr zarrah misaal tha Shab-e-vasl dekh ke khwaab mein main para tha sakht azaab mein The hazaar soch jawaab mein ajab us ka mujh se sawaal tha Mare josh-e-ashk se bahrah-war hue kul jahaan ke bahr-o-bar Nah barasti aaj yeh chashm-e-tar to Khuda nakhwaastah kaal tha Jo namood karte hi aap se lage baithne woh shitaab se To yeh poochhe koi habaab se keh phailaaye apne yeh gaal tha Hawa mein bhi daakhil-e-kushtgaan to abas tu howe hai sargiraan Keh mare gale ki taraf miyaan tere aab-e-tegh ka dhaal tha Diya kha ke aap ne paan jo dil mubtala hua surkh-ro Use samjha pait ka bojh woh jo tumhaare munh ka ugaal tha Jo mareez tha para jaan-ba-lab khabar aur kuchh nahin us ki ab Magar itna kehte hain log sab keh bara yeh nek khisaal tha Jo chaman se door qafas hua to main aur aseer-e-hawas hua Yeh jo zulm ab ke baras hua yahi qahr agle bhi saal tha Nahin chaahta hai ab aasmaan keh hum aur woh hon ba-yak makaan Kahin aa gaya jo woh shab ko yaan keh bulaana jis ka mahaal tha To yeh rang-e-chanbar-e-charkh ka nazar aaye tha mujhe barmala Kabhi tha siyah kabhi zard tha kabhi sabz tha kabhi laal tha Nah kisi ne qadr ki Jurat ab kahe sher garchah ajab ajab Jo nah hon ge hum to kahenge sab keh bara yeh ahl-e-kamaal tha