بغیر اس کے یہ حیراں ہیں بغل دیکھ اپنی خالی ہم
بغیر اس کے یہ حیراں ہیں بغل دیکھ اپنی خالی ہم کہ کروٹ لے نہیں سکتے ہیں جوں تصویر قالی ہم کوئی آتش کا پرکالہ جو وقت خواب یاد آوے تو سمجھیں کیوں نہ انگارے یہ گل ہائے نہالی ہم ارادہ گر کیا دشنام دینے کا اب اے پیارے تو لب سے لب ملا کر بس تری کھا لیں گے گالی ہم نہ ہو پہلو میں اپنے جب وہ سبزہ رنگ ہی ظالم تو پھر کس رنگ کاٹیں یہ بلا سے رات کالی ہم لڑی ہے آنکھ اس سے جو یہ چتون میں جتاتا ہے کسی کی کیا ہمیں پروا ہیں اپنے لاابالی ہم نہ ہو وہ سیم تن پاس اپنے جب سیر شب مہ میں کریں تو دیکھ کیا بس ایک پیتل کی سی تھالی ہم جو ہو دور از خیال مانیؔ و بہزادؔ ہر صورت بغیر از مو قلم کھینچیں وہ تصویر خیالی ہم کریں وصف جمال یار میں اک شعر گر موزوں تو سمجھیں انتخاب جملہ اشعار جمالی ہم بہ کنج بے کسی پڑھتے ہیں جو ہم مرثیہ دل کا تو ہیں آپ ہی جوابی اور آپ ہی ہیں سوالی ہم وہ ڈوبا عطر میں ہو مست مئے مصروف سیر گل اور اس کو اس روش دیکھیں درون باغ خالی ہم گل امید تو شاید کہ اپنا بھی شگفتہ ہو تعجب کچھ نہیں گر پائیں پھل پاتے سہالی ہم زبس حالات عشق اب ہم پہ طاری ہے سدا جرأتؔ بہ طرز عاشقانہ کہتے ہیں اشعار حالیؔ ہم
English rendering
Baghair is ke yeh hairan hain baghal dekh apni khali hum Keh karwat le nahin sakte hain joon tasveer-e-qali hum Koi aatish ka parkala jo waqt-e-khwab yaad aaway To samjhein kyun na angare yeh gul haye nihali hum Irada gar kiya dushnam dene ka ab ae pyare To lab se lab mila kar bas teri kha lein ge gali hum Na ho pehlu mein apne jab woh sabza rang hi zalim To phir kis rang katein yeh bala se raat kali hum Lari hai aankh is se jo yeh chitwan mein jatata hai Kisi ki kya hamein parwah hain apne laubali hum Na ho woh seem-tan paas apne jab sair-e-shab-e-mah mein Karein to dekh kya bas ek peetal ki si thali hum Jo ho door az khayal-e-Mani o Behzad har surat Baghair az moo qalam kheenchein woh tasveer-e-khayali hum Karein wasf-e-jamal-e-yaar mein ik sher gar موزوں To samjhein intikhab-e-jumla ash'aar-e-Jamali hum Ba kunj-e-bekasi parhte hain jo hum marsiya dil ka To hain aap hi jawabi aur aap hi hain sawali hum Woh dooba itr mein ho mast-e-mai masroof-e-sair-e-gul Aur is ko is ravish dekhein daroon-e-bagh khali hum Gul-e-umeed to shayad keh apna bhi shagufta ho Taajjub kuchh nahin gar payein phal pate sahali hum Zabas halat-e-ishq ab hum pe tari hai sada Jurrat Ba tarz-e-aashiqana kehte hain ash'aar-e-Hali hum