بیٹھے تو پاس ہیں پر آنکھ اٹھا سکتے نہیں
بیٹھے تو پاس ہیں پر آنکھ اٹھا سکتے نہیں جی لگا ہے پہ ابھی ہاتھ لگا سکتے نہیں دور سے دیکھ وہ لب کاٹتے ہیں اپنے ہونٹھ ہے ابھی پاس ادب ہونٹھ ہلا سکتے نہیں تکتے ہیں اس قد و رخسار کو حسرت سے اور آہ بھینچ کر خوب سا چھاتی سے لگا سکتے نہیں دل تو ان پاؤں پہ لوٹے ہے مرا وقت خرام شب کو دزدی سے بھی پر ان کو دبا سکتے نہیں چور سے رات کھڑے رہتے ہیں اس در سے لگے پر جو مطلوب ہے وہ جنس چرا سکتے نہیں ریجھتے ان کی اداؤں پہ ہیں کیا کیا لیکن مارے اندیشے کے گردن بھی ہلا سکتے نہیں دیکھ رہتے ہیں وہ آئینۂ زانو اس کا پر کسی شکل سے زانو کو بھڑا سکتے نہیں قاعدے کیا ہمیں معلوم نہیں الفت کے بے کم و کاست مگر ان کو پڑھا سکتے نہیں چپکے تک رہتے ہیں رنگ اس کا بھبوکا سا ہم آہ پر دل کی لگی اپنی بجھا سکتے نہیں کیا غضب ہے کہ وہی بولے تو بولے از خود ہم انہیں کیوں کہ بلاویں کہ بلا سکتے نہیں گرچہ ہم خانہ ہیں جرأتؔ پہ ہمارے ایسے بخت سوئے کہ کہیں ساتھ سلا سکتے نہیں
English rendering
Baithe to paas hain par aankh utha sakte nahin Ji laga hai pe abhi haath laga sakte nahin Door se dekh woh lab kaatte hain apne hont Hai abhi paas-e-adab hont hila sakte nahin Takte hain us qad-o-rukhsaar ko hasrat se aur aah Bheench kar khoob sa chhaati se laga sakte nahin Dil to un paaon pe lote hai mera waqt-e-kharaam Shab ko duzdi se bhi par un ko daba sakte nahin Chor se raat khare rehte hain us dar se lage Par jo matloob hai woh jins chura sakte nahin Reejhte un ki adaaon pe hain kya kya lekin Maare andeshe ke gardan bhi hila sakte nahin Dekh rehte hain woh aaina-e-zaanu us ka Par kisi shakl se zaanu ko bhira sakte nahin Qaaide kya hamein maloom nahin ulfat ke Be-kam-o-kaast magar un ko parha sakte nahin Chipke tak rehte hain rang us ka bhabhooka sa hum Aah par dil ki lagi apni bujha sakte nahin Kya ghazab hai keh wohi bole to bole az-khud Hum unhein kyun keh bulaawein keh bula sakte nahin Garche hum khaana hain Jurat pe hamare aise Bakht soye keh kahin saath sula sakte nahin