بن ترے کیا کہیں کیا روگ ہمیں یار لگا
بن ترے کیا کہیں کیا روگ ہمیں یار لگا ڈر لگے نام لیے جس کا وہ آزار لگا سب یہ کہتے ہیں مجھے تجھ سے جو دل یار لگا ہائے کیا اس کو جوانی میں یہ آزار لگا ہم دوانوں کا یہ ہے دشت جنوں میں رتبہ کہ قدم رکھتے ہی آ پاؤں سے ہر خار لگا کہیے کیوں کر نہ اسے بادشہ کشور حسن کہ جہاں جا کے وہ بیٹھا وہیں دربار لگا قدر پھر اپنی ہو کیا اس کے خریداروں میں روز و شب جس کی گلی میں رہے بازار لگا کون سا دن وہ کٹا مجھ پہ کہ اے تیغ فراق زخم اک تازہ مرے دل پہ نہ ہر بار لگا دل میں اب اس کے جو لہر آئی ہے گھر جانے کی تو بھی رونے کی جھڑی دیدۂ خوں بار لگا متصل تو جو مرا خون جگر پیتا ہے کیوں غم عشق یہ کیا تجھ کو مزے دار لگا تیز دستیٔ جنوں آج ہے ایسی ہی کہ بس نہ رہا اپنے گریباں میں کوئی تار لگا اس زمیں میں غزل اک اور بھی پڑھ اے جرأتؔ خوب انداز کے اب کہنے تو اشعار لگا
English rendering
Ban tere kya kahein kya rog hamein yaar laga Dar lage naam liye jis ka woh aazaar laga Sab yeh kehte hain mujhe tujh se jo dil yaar laga Haaye kya is ko jawani mein yeh aazaar laga Hum deewanon ka yeh hai dasht junoon mein rutba Keh qadam rakhte hi aa paaon se har khaar laga Kahiye kyun kar na use baadshah kishwar husn Keh jahan ja ke woh baitha wahin darbaar laga Qadr phir apni ho kya us ke khareedaron mein Roz o shab jis ki gali mein rahe bazaar laga Kaun sa din woh kata mujh pe keh ae tegh firaaq Zakhm ik taaza mere dil pe na har baar laga Dil mein ab us ke jo lehr aayi hai ghar jaane ki To bhi rone ki jhari deeda-e-khoon baar laga Muttasil tu jo mera khoon jigar peeta hai Kyun gham ishq yeh kya tujh ko maze daar laga Tez dasti-e-junoon aaj hai aisi hi keh bas Na raha apne gareebaan mein koi taar laga Is zameen mein ghazal ik aur bhi parh ae Jurrat Khoob andaaz ke ab kehne to ashaar laga