برہم کبھی قاصد سے وہ محبوب نہ ہوتا
برہم کبھی قاصد سے وہ محبوب نہ ہوتا گر نام ہمارا سر مکتوب نہ ہوتا خوبان جہاں کی ہے ترے حسن سے خوبی تو خوب نہ ہوتا تو کوئی خوب نہ ہوتا اسلام سے برگشتہ نہ ہوتے بخدا ہم گر عشق بتاں طبع کے مرغوب نہ ہوتا کیوں پھیر وہ دیتا مجھے لے کر مرے بر سے اتنا جو دل زار یہ معیوب نہ ہوتا اس بت کو خدا لایا ہے ہم پاس وگرنہ جینے کا ہمارے کوئی اسلوب نہ ہوتا دل آج کے دن پاس جو ہوتا مرے تو آہ! آنے سے میں اس شوخ کے محجوب نہ ہوتا ہیں لازم و ملزوم بہم حسن و محبت ہم ہوتے نہ طالب جو وہ مطلوب نہ ہوتا سر اپنا رہ عشق میں دیتا جو نہ جرأتؔ تو مجمع عشاق کا سرکوب نہ ہوتا
English rendering
Barham kabhi qaasid se woh mahboob na hota Gar naam hamara sar maktoob na hota Khoobaan jahaan ki hai tere husn se khoobi Tu khoob na hota to koi khoob na hota Islam se bargashta na hote ba-Khuda hum Gar ishq butaan tab'a ke marghoob na hota Kyun phair woh deta mujhe le kar mere bar se Itna jo dil-e-zaar yeh mayoob na hota Is but ko Khuda laaya hai hum paas wagarna Jeene ka hamare koi usloob na hota Dil aaj ke din paas jo hota mere to aah! Aane se main is shokh ke mahjoob na hota Hain laazim-o-malzoom baham husn-o-mohabbat Hum hote na taalib jo woh matloob na hota Sar apna rah-e-ishq mein deta jo na Jurat To majma-e-ushshaaq ka sarkoob na hota