بلبل سنے نہ کیونکہ قفس میں چمن کی بات
بلبل سنے نہ کیونکہ قفس میں چمن کی بات آوارۂ وطن کو لگے خوش وطن کی بات مت پوچھ حال اپنے تو بیمار عشق کا ہونے لگی اب اس کے تو گور و کفن کی بات ہے موسم بہار میں با صد زباں خموش غنچے نے کیا سنی تھی کسی کے دہن کی بات عیش و طرب کا ذکر کروں کیا میں دوستو مجھ غمزدہ سے پوچھئے رنج و محن کی بات ناصح میں کیا کہوں کہ ہوا کس طرح سے چاک دست جنوں سے پوچھو مرے پیرہن کی بات تھا عاقل زمانہ پہ دیوانہ ہو گیا جس شخص نے سنی مرے دیوانہ پن کی بات سر دیجے راہ عشق میں پر منہ نہ موڑیئے پتھر کی سی لکیر ہے یہ کوہ کن کی بات بزم چمن بھی اس سے خجل ہے بہار میں کیا پوچھنے ہے یار تری انجمن کی بات یارو میں کیا کہوں کہ جلا کس طرح پتنگ پوچھو زبان شمع سے اس کی لگن کی بات شاید اسی کا ذکر ہو ہر رہ گزر میں میں سنتا ہوں گوش دل سے ہر اک مرد و زن کی بات وہ شے نہیں ہے ہم میں کہ جس سے ملے وہ یار آتی ہے یوں تو ہم کو بھی ہر ایک فن کی بات جرأتؔ خزاں کے آتے چمن میں رہا نہ کچھ اک رہ گئی زباں پہ گل و یاسمن کی بات
English rendering
Bulbul sune na kyunke qafas mein chaman ki baat Aawaara-e-watan ko lage khush watan ki baat Mat poochh haal apne tu beemaar-e-ishq ka Hone lagi ab us ke to gor-o-kafan ki baat Hai mausam-e-bahaar mein ba-sad zabaan khamosh Ghunche ne kya suni thi kisi ke dahan ki baat Aish-o-tarab ka zikr karoon kya main dosto Mujh ghamzada se poochhiye ranj-o-mihan ki baat Naasih main kya kahoon keh hua kis tarah se chaak Dast-e-junoon se poochho mere pairahan ki baat Tha aaqil zamaana pe deewaana ho gaya Jis shakhs ne suni mere deewaana-pan ki baat Sar deeje raah-e-ishq mein par munh na moriye Patthar ki si lakeer hai yeh kohkan ki baat Bazm-e-chaman bhi us se khajil hai bahaar mein Kya poochhne hai yaar teri anjuman ki baat Yaaro main kya kahoon keh jala kis tarah patang Poochho zabaan-e-shama se us ki lagan ki baat Shaayad usi ka zikr ho har rahguzar mein main Sunta hoon gosh-e-dil se har ik mard-o-zan ki baat Woh shai nahin hai hum mein keh jis se mile woh yaar Aati hai yoon to hum ko bhi har ek fan ki baat Jurat khizaan ke aate chaman mein raha na kuchh Ik rah gayi zabaan pe gul-o-yaasman ki baat