در تک اب چھوڑ دیا گھر سے نکل کر آنا
در تک اب چھوڑ دیا گھر سے نکل کر آنا یا وہ راتوں کو سدا بھیس بدل کر آنا ہمدمو یہ کوئی رونا ہے کہ طوفان ہے آہ دیکھیو چشم سے دریا کا ابل کر آنا قصد جب جانے کا کرتا ہوں میں اس شوخ کے پاس تیغ ابرو یہ کہے ہے کہ سنبھل کر آنا حاصل اس کوچے میں جانے سے ہمیں ہے اور کیا الٹے گھر اپنے مگر خاک میں رل کر آنا واں سے اول دل بے تاب تو کب آتا ہے اور آنا بھی تو سو جا پہ مچل کر آنا ہمدمو میری سفارش کو تو جاتے ہو ولے کہیں واں جا کے نہ کچھ اور خلل کر آنا ڈوبے یوں بحر محبت میں کہ اب جیتے جی اپنا دشوار ہے اوپر کو اچھل کر آنا کوئے قاتل میں دم نزع کوئی لے جاؤ جا کے اس جا ہمیں عقدہ ہے یہ حل کر آنا اس کا بے وجہ نہیں ہے یہ چمن سے باہر گل مرے سامنے ہاتھوں میں مسل کر آنا بزم خوباں میں اگرچہ کوئی پرچائے ہزار پر ترے پاس ہمیں واں سے بھی ٹل کر آنا جی چلا تن سے مرے جلد ز راہ اشفاق گھر سے دو چار قدم ایسے میں چل کر آنا جرأتؔ اس کی کہوں کیا تجھ سے طرح داری میں جانا جب اٹھ کے تب اک روپ بدل کر آنا
English rendering
Dar tak ab chhor diya ghar se nikal kar aana Ya woh raton ko sada bhes badal kar aana Hamdamo yeh koi rona hai keh toofan hai aah Dekhiyo chashm se darya ka ubal kar aana Qasd jab jane ka karta hoon main us shokh ke paas Tegh-e-abru yeh kahe hai keh sambhal kar aana Hasil us kooche mein jane se hamein hai aur kya Ulte ghar apne magar khak mein ral kar aana Wan se awwal dil-e-betab to kab aata hai Aur aana bhi to so ja pe machal kar aana Hamdamo meri sifarish ko to jate ho wale Kahin wan ja ke na kuchh aur khalal kar aana Doobe yun bahr-e-mohabbat mein keh ab jite ji Apna dushwar hai oopar ko uchhal kar aana Koo-e-qatil mein dam-e-naza koi le jao Ja ke us ja hamein uqda hai yeh hal kar aana Us ka be wajah nahin hai yeh chaman se bahar Gul mere samne hathon mein masal kar aana Bazm-e-khuban mein agarche koi parchaye hazar Par tere paas hamein wan se bhi tal kar aana Ji chala tan se mere jald ze rah-e-ishfaq Ghar se do char qadam aise mein chal kar aana Jur'at us ki kahoon kya tujh se tarah dari mein Jana jab uth ke tab ik roop badal kar aana