دیکھیو اس کی ذرا آنکھ دکھانے کا مزا
دیکھیو اس کی ذرا آنکھ دکھانے کا مزا چتونوں میں ہے بھرا سارے زمانے کا مزا کس مزے سے ہے عیاں دزدیٔ دل ہے ظالم لوں چرا کیونکہ ترے آنکھ چرانے کا مزا لذت وصل کوئی پوچھے تو پی جاتا ہوں کہہ کے ہونٹوں ہی میں ہونٹوں کے ملانے کا مزا کیا ترے میکش الفت کا یہ کیفیت ہے درد دل کر کے بیاں رونے رلانے کا مزا دست بر دل ہو اٹھاتا ہوں عجب لذت درد یاد کر ہجر میں وہ ہاتھ بڑھانے کا مزا جو خموشی میں ہے لذت نہیں گویائی میں بے خودی سا ہے کہاں آپ میں آنے کا مزا اس کے لڑنے کے بھی صدقے کہ نظر آتا ہے عین رنجش میں عجب آنکھ لڑانے کا مزا خواب و خور سے ترے بیمار کو کیا کام کہ ہے لذت خواب نہ کچھ اس کو نہ کھانے کا مزا یاد آتا ہے تو جاتا ہوں خدا جانے کہاں وہ لگاوٹ کی نگاہوں میں بلانے کا مزا کیا کہوں وصل کی شب لے کے بلائیں اس کی کیا اٹھاتا ہوں میں زانو پہ بٹھانے کا مزا میں تو پھر آپ میں رہتا نہیں دل سے پوچھو آگے پھر بھینچ کے چھاتی سے لگانے کا مزا در پہ اس پردہ نشیں کے ہو تو با صوت بلند شعر اس وقت ہے جرأتؔ سے پڑھانے کا مزا
English rendering
Dekhiyo us ki zara aankh dikhane ka maza Chitwanon mein hai bhara sare zamane ka maza Kis maze se hai ayaan duzdi-e-dil hai zalim Loon chura kyunke tere aankh churane ka maza Lazzat-e-wasl koi poochhe to pi jata hoon Keh keh ke honton hi mein honton ke milane ka maza Kya tere maikash-e-ulfat ka yeh kaifiyat hai Dard-e-dil kar ke bayan rone rulane ka maza Dast bar dil ho uthata hoon ajab lazzat-e-dard Yaad kar hijr mein woh haath barhane ka maza Jo khamoshi mein hai lazzat nahin goyai mein Be khudi sa hai kahan aap mein aane ka maza Us ke larne ke bhi sadqe keh nazar aata hai Ain ranjish mein ajab aankh larane ka maza Khwab-o-khor se tere bimar ko kya kaam keh hai Lazzat-e-khwab na kuchh us ko na khane ka maza Yaad aata hai to jata hoon Khuda jane kahan Woh lagawat ki nigahon mein bulane ka maza Kya kahoon wasl ki shab le ke balayein us ki Kya uthata hoon main zanu pe bithane ka maza Main to phir aap mein rehta nahin dil se poochho Aage phir bheench ke chhati se lagane ka maza Dar pe us parda nasheen ke ho to ba-saut-e-buland Sher us waqt hai Jur'at se parhane ka maza