دل کو اے عشق سوئے زلف سیہ فام نہ بھیج
دل کو اے عشق سوئے زلف سیہ فام نہ بھیج رہزنوں میں تو مسافر کو سر شام نہ بھیج دیکھ ہو جاؤں گا غیروں کے گلے کا میں ہار ہار پھولوں کے تو اے شوخ گل اندام نہ بھیج بھر نظر صورت گل دیکھ تو لیں اے بے درد ہائے صیاد ابھی ہم کو تہ دام نہ بھیج جب وہ بھیجے ہے مجھے مے تو کہیں ہیں یوں غیر یہ بہک جائے گا بس اور اسے جام نہ بھیج بھیجوں اس پاس جو قاصد کو دوبارہ تو کہے باز آیا، نہیں لینے کا میں انعام نہ بھیج کوچۂ یار میں پہنچے ہیں تو بس رہنے دے جیتے جی یاں سے کہیں گردش ایام نہ بھیج دم بہ دم بھیجے ہے قلیاں ہی کو کیا منہ سے لگا لب سے بھی لب کو ملا بوسہ بہ پیغام نہ بھیج بعد مدت کے تجھے پایا ہے تنہا بخدا آج تو کام کو یاں سے بت خودکام نہ بھیج دے کبھی بوسۂ چشم و لب جاں بخش بھی جاں صرف سوغات ہمیں بوسہ بہ پیغام نہ بھیج گالیاں تو ہیں محبت کی عبارت پیارے کب میں کہتا ہوں کہ لکھ کر مجھے دشنام نہ بھیج پر یہ دھڑکا ہے کہ جاوے نہ کہیں خط پکڑا کر کے سر نامے پہ تحریر مرا نام نہ بھیج جرأتؔ اب تجھ سے وہ روٹھا تو منا کیونکہ میں لاؤں تو ہی پھر دینے لگے گا مجھے الزام نہ بھیج
English rendering
Dil ko ae ishq sooye zulf-e-siyah fam na bhej Rahzanon mein to musafir ko sar-e-sham na bhej Dekh ho jaoon ga ghairon ke gale ka main haar Haar phoolon ke to ae shokh gul andam na bhej Bhar nazar surat-e-gul dekh to lein ae be dard Haye sayyad abhi hum ko tah-e-dam na bhej Jab woh bheje hai mujhe mai to kahein hain yun ghair Yeh bahak jaye ga bas aur use jam na bhej Bhejoon us paas jo qasid ko dobara to kahe Baz aaya, nahin lene ka main inam na bhej Kooche-e-yar mein pohnche hain to bas rehne de Jite ji yan se kahin gardish-e-ayyam na bhej Dam ba dam bheje hai kaliyan hi ko kya munh se laga Lab se bhi lab ko mila bosa ba paigham na bhej Baad muddat ke tujhe paya hai tanha ba-Khuda Aaj to kaam ko yan se but-e-khudkam na bhej De kabhi bosa-e-chashm-o-lab jaan bakhsh bhi jaan Sirf soghat hamein bosa ba paigham na bhej Galiyan to hain mohabbat ki ibarat pyare Kab main kehta hoon keh likh kar mujhe dushnam na bhej Par yeh dharka hai keh jawe na kahin khat pakra Kar ke sar name pe tahrir mera naam na bhej Jur'at ab tujh se woh rootha to mana kyunke main laoon Tu hi phir dene lage ga mujhe ilzam na bhej