دود آتش کی طرح یاں سے نہ ٹل جاؤں گا
دود آتش کی طرح یاں سے نہ ٹل جاؤں گا شمع ساں محفل جاناں ہی میں جل جاؤں گا دور سے بھی اسے دیکھوں تو یہ چتون میں کہے آ کے دیدے ابھی تلووں تلے مل جاؤں گا دل مضطر یہ کہے ہے وہیں لے چل ورنہ توڑ چھاتی کے کواڑوں کو نکل جاؤں گا میں ہوں خورشید سر کوہ یقیں ہے کہ وہ ماہ آئے گا بام پہ تب جب کہ میں ڈھل جاؤں گا آج بھی کوئی نہ لے جائے گا واں مجھ کو تو بس کل نہیں ہے مجھے میں جی ہی سے کل جاؤں گا واں سے اٹھتا ہوں تو کہتا ہے یہ پائے رفتار جب زمیں پر تو رکھے گا میں پھسل جاؤں گا بہ خدا حسن بتاں کا یہی سب سے ہے کلام وہ چھلاوا ہوں کہ تم سب کو میں چھل جاؤں گا آ کے برسوں میں وہ مجھ پاس یہ شب کہنے لگے یاں ٹھہرنے میں بہت سے ہیں خلل جاؤں گا تیغہ قاتل کا کہے ہے کہ دوالی بندو موٹھ کی طرح سے تم سب پہ میں چل جاؤں گا گو مزاج اس کا یہ بدلا کہ کہے ہے مجھے یوں دیکھو تم آئے تو میں گھر سے نکل جاؤں گا پر رہا جائے گا کب ہے مری حالت تغییر یوں نہ جاؤں گا تو میں بھیس بدل جاؤں گا جرأتؔ اشعار جنوں خیز کہہ اب اور کہ میں لے کے یہ تربت سودا پہ غزل جاؤں گا
English rendering
Dood-e-atish ki tarah yan se na tal jaoon ga Shama saan mahfil-e-janan hi mein jal jaoon ga Door se bhi use dekhoon to yeh chitwan mein kahe Aa ke dide abhi talwon tale mal jaoon ga Dil-e-muztar yeh kahe hai wahin le chal warna Tor chhati ke kiwaron ko nikal jaoon ga Main hoon khurshid sar-e-koh yaqeen hai keh woh mah Aaye ga baam pe tab jab keh main dhal jaoon ga Aaj bhi koi na le jaye ga wan mujh ko to bas Kal nahin hai mujhe main ji hi se kal jaoon ga Wan se uthta hoon to kehta hai yeh paye-e-raftar Jab zameen par tu rakhe ga main phisal jaoon ga Ba-Khuda husn-e-butan ka yehi sab se hai kalam Woh chhalawa hoon keh tum sab ko main chhal jaoon ga Aa ke barson mein woh mujh paas yeh shab kehne lage Yan thehrne mein bahut se hain khalal jaoon ga Tegha-e-qatil ka kahe hai keh dawali bandho Mooth ki tarah se tum sab pe main chal jaoon ga Go mizaj us ka yeh badla keh kahe hai mujhe yun Dekho tum aaye to main ghar se nikal jaoon ga Par raha jaye ga kab hai meri halat taghayyur Yun na jaoon ga to main bhes badal jaoon ga Jur'at ashaar-e-junoon-khez keh ab aur keh main Le ke yeh turbat-e-Sauda pe ghazal jaoon ga