گر کہوں غیر سے پھر ربط ہوا تجھ کو کیا
گر کہوں غیر سے پھر ربط ہوا تجھ کو کیا کیا برا مان کے کہتا ہے بھلا تجھ کو کیا سر اٹھانا تجھے بالیں سے جو دشوار ہے اب کیوں دلا بیٹھے بٹھائے یہ ہوا تجھ کو کیا پوچھوں رنجش کا سبب اس سے تو جھنجھلا کے کہے ''گر خفا ہوں تو میں ہوں آپ کو، جا تجھ کو کیا'' ہم اسیران قفس کیا کہیں خاموش ہیں کیوں راہ لے اپنی چل اے باد صبا تجھ کو کیا گر کیا اس سے جدا مجھ کو تو کہہ دے یہ فلک میرے اور اس کے نہ ملنے سے ملا تجھ کو کیا ہاتھ اٹھاتا نہیں گر عشق سے میں اے ناصح تو نصیحت سے مری ہاتھ اٹھا تجھ کو کیا گر کہو نام خدا لگتے ہو تم کیا ہی بھلے تو یہ کہتا ہے ''بھلا ہوں تو بھلا، تجھ کو کیا'' کیوں دلا بستر غم پر ہے تو خاموش پڑا کچھ تو کہہ مجھ سے کسی نے یہ کہا تجھ کو کیا اب وہ موقوف ہوا نامہ و پیغام بھی آہ حرف غیروں کا اثر کر ہی گیا تجھ کو کیا میرے ملنے سے کیا منع کسی نے جو تجھے تو نے اس بات کو سن کر نہ کہا تجھ کو کیا پیک اشک آنکھوں سے چل نکلے جو خط پڑھتے ہی جرأتؔ اب کچھ تو بتا اس نے لکھا تجھ کو کیا
English rendering
Gar kahoon ghair se phir rabt hua tujh ko kya Kya bura maan ke kehta hai bhala tujh ko kya Sar uthaana tujhe baaleen se jo dushwaar hai ab Kyun dila baithe bithaaye yeh hua tujh ko kya Poochhoon ranjish ka sabab us se to jhunjhla ke kahe ''Gar khafa hoon to main hoon aap ko, ja tujh ko kya'' Hum aseeraan qafas kya kahein khaamosh hain kyun Raah le apni chal ae baad saba tujh ko kya Gar kiya us se juda mujh ko to keh de yeh falak Mere aur us ke na milne se mila tujh ko kya Haath uthaata nahin gar ishq se main ae naasih Tu naseehat se meri haath utha tujh ko kya Gar kaho naam Khuda lagte ho tum kya hi bhale To yeh kehta hai ''bhala hoon to bhala, tujh ko kya'' Kyun dila bistar gham par hai tu khaamosh para Kuchh to keh mujh se kisi ne yeh kaha tujh ko kya Ab woh mauqoof hua naama o paighaam bhi aah Harf ghairon ka asar kar hi gaya tujh ko kya Mere milne se kya mana kisi ne jo tujhe Tu ne us baat ko sun kar na kaha tujh ko kya Paik ashk aankhon se chal nikle jo khat parhte hi Jurrat ab kuchh to bata us ne likha tujh ko kya