غم رو رو کے کہتا ہوں کچھ اس سے اگر اپنا
غم رو رو کے کہتا ہوں کچھ اس سے اگر اپنا تو ہنس کے وہ بولے ہے ''میاں فکر کر اپنا'' رونے سے ترے کیا کہیں اے دیدۂ خوں بار یہ خاک میں ملتا ہے دل اپنا جگر اپنا گر بیٹھتے ہیں محفل خوباں میں ہم اس بن سر زانو سے اٹھتا نہیں دو دو پہر اپنا لانا ہے تو ہمدم اسے لا جلد کہ ہم کو احوال نظر آئے ہے نوع دگر اپنا باتوں سے کٹے کس کی بھلا راہ ہماری غربت کے سوا کوئی نہیں ہم سفر اپنا عالم میں ہے گھر گھر خوشی و عیش پر اس بن ماتم کدہ ہم کو نظر آتا ہے گھر اپنا یا آنکھوں سے اک آن نہ ہوتا تھا وہ اوجھل یا جلوہ دکھاتا نہیں اب اک نظر اپنا ہر بات کا بہتر ہے چھپانا ہی کہ یہ بھی ہے عیب کرے کوئی جو ظاہر ہنر اپنا گر رو بہ رو اس کے کسی غم خوار کو چپکے کچھ حال سناتا ہوں میں با چشم تر اپنا تو کیا کہوں کہتا ہے عجب شکل سے مجھ کو کچھ ہونٹوں ہی ہونٹوں میں وہ منہ پھیر کر اپنا کیا کیا اسے دیکھ آتی ہے جرأتؔ ہمیں حسرت مایوس جو پھر آتا ہے پیغام بر اپنا
English rendering
Gham ro ro ke kehta hoon kuchh us se agar apna To hans ke woh bole hai ''miyaan fikr kar apna'' Rone se tere kya kahein aye deedah-e-khoon-baar Yeh khaak mein milta hai dil apna jigar apna Gar baithte hain mehfil-e-khoobaan mein hum us bin Sar zaanu se uthta nahin do do pahar apna Laana hai to hamdam use la jald keh hum ko Ahwaal nazar aaye hai nau-e-digar apna Baaton se kate kis ki bhala raah hamaari Ghurbat ke siwa koi nahin humsafar apna Aalam mein hai ghar ghar khushi-o-aish par us bin Maatam-kadah hum ko nazar aata hai ghar apna Ya aankhon se ik aan nah hota tha woh ojhal Ya jalwah dikhata nahin ab ik nazar apna Har baat ka behtar hai chhupana hi keh yeh bhi Hai aib kare koi jo zaahir hunar apna Gar roo-ba-roo us ke kisi ghamkhwaar ko chupke Kuchh haal sunata hoon main ba-chashm-e-tar apna To kya kahoon kehta hai ajab shakl se mujh ko Kuchh honton hi honton mein woh munh pher kar apna Kya kya use dekh aati hai Jurat hamein hasrat Mayoos jo phir aata hai paighaam-bar apna