گو ہوں وحشی پہ ترے در سے نہ ٹل جاؤں گا
گو ہوں وحشی پہ ترے در سے نہ ٹل جاؤں گا ہاں مگر دشت عدم ہی کو نکل جاؤں گا طائر نامہ بر اپنا یہی کہتا ہے کہ آہ رقم شوق کی گرمی سے میں جل جاؤں گا جلد اے کاش جتاوے اسے جوبن اس کا پھر ہو کس کام کے تم جب کہ میں ڈھل جاؤں گا آج گو اس نے بہ رسوائی نکالا مجھ کو گر یہی دل ہے تو پھر آپ سے کل جاؤں گا مشورہ کر کے یہ دل کوچۂ جاناں کو چلا عزم تو لانے کا کیجو میں مچل جاؤں گا گر یہی آتش الفت ہے تو مانند سپند آہ میں مجمر ہستی سے اچھل جاؤں گا نو گرفتار محبت ہوں مری وضع سے تم اتنا گھبراؤ نہ پیارے میں سنبھل جاؤں گا وائے قسمت کہے جب صبر سا مونس یہ بات تجھ پہ دیکھوں گا برا وقت تو ٹل جاؤں گا جلد خو اپنی بدل ورنہ کوئی کر کے طلسم آ کے دل اپنا ترے دل سے بدل جاؤں گا جی کہیں تو نہ پھنسا ورنہ ترے دام سے میں آب غربال کی مانند نکل جاؤں گا جوں حنا اپنے وہ قدموں سے نہ لگنے دیں گے اس تمنا میں اگر خاک میں رل جاؤں گا جاتے جاتے کف افسوس اسی حسرت میں اشک بھر لا کے دم نزع بھی مل جاؤں گا جن کے نزدیک ہے انداز غزل میرؔ پہ ختم ان کو جرأتؔ میں سنانے یہ غزل جاؤں گا
English rendering
Go hoon wehshi pe tere dar se nah tal jaaoon ga Haan magar dasht-e-adam hi ko nikal jaaoon ga Taair-e-naamah-bar apna yahi kehta hai keh aah Raqam-e-shauq ki garmi se main jal jaaoon ga Jald aye kaash jataave use joban us ka Phir ho kis kaam ke tum jab keh main dhal jaaoon ga Aaj go us ne ba-ruswaai nikaala mujh ko Gar yahi dil hai to phir aap se kal jaaoon ga Mashwarah kar ke yeh dil koocha-e-jaanaan ko chala Azm to laane ka kijo main machal jaaoon ga Gar yahi aatish-e-ulfat hai to maanind-e-sipand Aah main mijmar-e-hasti se uchhal jaaoon ga Nau-giraftaar-e-mohabbat hoon meri waza se tum Itna ghabrao nah pyaare main sambhal jaaoon ga Waaye qismat kahe jab sabr sa monis yeh baat Tujh pe dekhoon ga bura waqt to tal jaaoon ga Jald khu apni badal warna koi kar ke tilism Aa ke dil apna tere dil se badal jaaoon ga Ji kahin to nah phansa warna tere daam se main Aab-e-ghirbaal ki maanind nikal jaaoon ga Joon hina apne woh qadmon se nah lagne dein ge Is tamanna mein agar khaak mein ral jaaoon ga Jaate jaate kaf-e-afsos isi hasrat mein Ashk bhar la ke dam-e-naza bhi mil jaaoon ga Jin ke nazdeek hai andaaz-e-ghazal Meer pe khatm Un ko Jurat main sunaane yeh ghazal jaaoon ga