ہر چند بھرے دل میں ہیں لاکھوں ہی گلے پر
ہر چند بھرے دل میں ہیں لاکھوں ہی گلے پر کیا کہئے کہ کھلتا نہیں منہ وقت ملے پر بے درد وہ ایسا ہے کہ مرہم کی جگہ ہائے چھڑکے ہے نمک میرے ہر اک زخم چھلے پر تا دل کو نہ واشد ہو تو کیا لطف ملے ہائے کھلتی ہے جو بو غنچۂ گل کی تو کھلے پر مشہور جوانی میں ہو وہ کیوں نہ جگت باز میلان طبیعت تھا لڑکپن سے ضلے پر ہم گلشن حیرت میں ہیں پرواز کہاں کی جوں بلبل تصویر کبھی ٹک نہ ہلے پر سن وصف دہن دیجئے کچھ منہ سے پیارے مجھ شاعر مفلس کی ہے گزران صلے پر کس منہ سے بیاں کیجئے وہ لطف کہ جرأتؔ دشنام جو واں ملتی ہیں ٹک آنکھ ملے پر
English rendering
Har chand bharay dil mein hain lakhon hi gilay par Kya kahiye keh khulta nahin munh waqt milay par Be-dard woh aisa hai keh marham ki jagah haye Chhirke hai namak mere har ik zakhm chhilay par Ta dil ko na washud ho to kya lutf milay haye Khulti hai jo boo ghuncha-e-gul ki to khulay par Mashhoor jawani mein ho woh kyun na jugat-baz Meelan-e-tabiat tha larakpan se zilay par Hum gulshan-e-hairat mein hain parwaz kahan ki Joon bulbul-e-tasveer kabhi tik na hilay par Sun wasf-e-dahan dijiye kuchh munh se pyare Mujh shair-e-muflis ki hai guzran silay par Kis munh se bayan kijiye woh lutf keh Jurrat Dushnam jo wan milti hain tik aankh milay par