ہم تو کہتے تھے دم آخر ذرا سستا نہ جا
ہم تو کہتے تھے دم آخر ذرا سستا نہ جا لے، چلے ہم جان سے، مختار ہے اب جا نہ جا لے دل بے تاب آتا ہے وہ کر لے عرض حال دیکھتے ہی اس کی صورت اس قدر گھبرا نہ جا تنگ ہو کر کس ادا سے وصل کی شب کو وہ شوخ مجھ سے کہتا تھا کہ ہے ہے اس قدر لپٹا نہ جا پاس آنا گر نہیں منظور تو آ آ کے شکل از رہ شوخی مجھے تو دور سے دکھلا نہ جا جاؤں جاؤں کیا کہے ہے بس لڑائی ہو چکی پیار سے میرے گلے اب جان جاں لگ جا نہ جا کیا سماں رکھتا ہے وہ محفل سے اٹھنا یار کا اور اشاروں سے مرا کہنا کہ آ جانا، نہ جا کہتے ہیں آتا ہے وہ اے جان بر لب آمدہ تو خدا کے واسطے ٹک اور بھی رہ جا نہ جا روٹھ کر جب مجھ سے وہ جاتا ہے تو کر ضبط آہ پہلے تو کہتا ہوں میں ''تو جان اب جا یا نہ جا'' لیک اٹھ کر جب وہ جاتا ہے تو بے تابی سے میں ووں ہی کہتا ہوں ''ترے قربان جاؤں آ، نہ جا'' لوٹتا ہے جرأتؔ بیتاب جانے سے ترے یوں اسے تڑپا کے تو اے شوخ بے پروا، نہ جا
English rendering
Hum to kehte the dam-e-aakhir zara susta na ja Le, chale hum jaan se, mukhtaar hai ab ja na ja Le dil-e-betaab aata hai woh kar le arz-e-haal Dekhte hi us ki soorat is qadar ghabra na ja Tang ho kar kis ada se vasl ki shab ko woh shokh Mujh se kehta tha keh hai hai is qadar lipta na ja Paas aana gar nahin manzoor to aa aa ke shakl Az rah-e-shokhi mujhe tu door se dikhla na ja Jaaun jaaun kya kahe hai bas ladaai ho chuki Pyaar se mere gale ab jaan-e-jaan lag ja na ja Kya samaan rakhta hai woh mehfil se uthna yaar ka Aur ishaaron se mera kehna keh aa jaana, na ja Kehte hain aata hai woh aye jaan bar lab-aamda Tu Khuda ke waaste tik aur bhi reh ja na ja Rooth kar jab mujh se woh jaata hai to kar zabt-e-aah Pehle to kehta hoon main ''tu jaan ab ja ya na ja'' Laik uth kar jab woh jaata hai to betaabi se main Won hi kehta hoon ''tere qurbaan jaaun aa, na ja'' Lauta hai Jurrat betaab jaane se tere Yun use tadpa ke tu aye shokh be-parwa, na ja