جذبۂ عشق عجب سیر دکھاتا ہے ہمیں
جذبۂ عشق عجب سیر دکھاتا ہے ہمیں اپنی جانب کوئی کھینچے لیے جاتا ہے ہمیں بزم میں تکتے ہیں منہ اس کا کھڑے اور وہ شوخ نہ اٹھاتا ہے کسی کو نہ بٹھاتا ہے ہمیں کیا ستم ہے کہ طریق اپنا رہ عشق میں آہ کوئی جس کو نہیں بھاتا وہ ہی بھاتا ہے ہمیں اس ترقی میں تنزل میں ہے کہ جوں قامت طفل آسماں عمر گھٹانے کو بڑھاتا ہے ہمیں بند کر بیٹھے ہیں اب آنکھ جو ہم تو اللہ نظر آتا جو نہیں سو نظر آتا ہے ہمیں ٹھنڈے ہونے کا بھی تا سمجھیں مزا اتنے لیے چرخ مانند چراغ آہ جلاتا ہے ہمیں اے خوشا یہ کہ وہ ہنسنے کے لیے روتا ہے اپنی خورسندیٔ خاطر کو کڑھاتا ہے ہمیں مل کے ہم اس سے جو ٹک سوویں تو دکھ دینے کو بخت بد خواب جدائی کا دکھاتا ہے ہمیں ہم ہیں وہ مرغ گرفتار کہ اپنے پر سے وارنا جس کو کہ ہووے وہ چھڑاتا ہے ہمیں لا کے اس شوخ ستم گر کے دو رنگی کے پیام نہ ہنساتا ہے کوئی اب نہ رلاتا ہے ہمیں سن سے جا بیٹھتے ہیں اس کے تصور میں ہم آہ بزم خوباں میں کوئی پاس بلاتا ہے ہمیں محو نظارہ ہوں کیا ہم کہ بہ قول جرأتؔ اپنی جانب کوئی کھینچے لیے جاتا ہے ہمیں
English rendering
Jazba-e-ishq ajab sair dikhaata hai hamein Apni jaanib koi kheenche liye jaata hai hamein Bazm mein takte hain munh us ka khade aur woh shokh Na uthaata hai kisi ko na bithaata hai hamein Kya sitam hai keh tareeq apna rah-e-ishq mein aah Koi jis ko nahin bhaata woh hi bhaata hai hamein Us taraqqi mein tanazzul mein hai keh jon qaamat-e-tifl Aasmaan umr ghataane ko badhaata hai hamein Band kar baithe hain ab aankh jo hum to Allah Nazar aata jo nahin so nazar aata hai hamein Thande hone ka bhi ta samjhein maza itne liye Charkh maanind-e-charaagh aah jalaata hai hamein Aye khusha yeh keh woh hansne ke liye rota hai Apni khursandi-e-khaatir ko jo kadhaata hai hamein Mil ke hum us se jo tik soven to dukh dene ko Bakht-e-bad khwaab-e-judaai ka dikhaata hai hamein Hum hain woh murgh-e-giraftaar keh apne par se Waarna jis ko keh hove woh chhudaata hai hamein La ke us shokh sitamgar ke do-rangi ke payaam Na hansaata hai koi ab na rulaata hai hamein Sun se ja baithe hain us ke tasavvur mein hum aah Bazm-e-khoobaan mein koi paas bulaata hai hamein Mahv-e-nazzaara hoon kya hum keh ba-qaul-e-Jurrat Apni jaanib koi kheenche liye jaata hai hamein