جگر خوں ہو کے باہر دیدۂ گریان آوے گا
جگر خوں ہو کے باہر دیدۂ گریان آوے گا یہی رونا رہا تو آج کل طوفان آوے گا خبر آتے ہی کیا پوچھے ہے ظالم بیٹھ جا یک دم حقیقت سب کہوں گا مجھ میں جب اوسان آوے گا نہ ہے اب خاک افشانی نہ حیرانی نہ عریانی جنوں گر آ گیا تو لے کے سب سامان آوے گا پڑھوں گا پیچھے نامہ میں خدا کے واسطے قاصد یہ کہہ اول کہ یاں تک وہ کسی عنوان آوے گا نہ جا اے جان ٹک تو اور بھی اک رات اس تن سے سنا ہے کل کے دن وہ گھر مرے مہمان آوے گا کسی کی قدر جیتے جی نہیں معلوم ہوتی ہے کرے ہے قتل پر پیچھے تجھے ارمان آوے گا گلی میں اس بت خوں خوار کی جرأتؔ چلا تو ہے ولیکن واں سے خوں میں دیکھنا افشان آوے گا
English rendering
Jigar khoon ho ke bahar deeda-e-giryan aaway ga Yehi rona raha to aaj kal toofan aaway ga Khabar aate hi kya poochhe hai zalim baith ja yak dam Haqeeqat sab kahoon ga mujh mein jab ausan aaway ga Na hai ab khak afshani na hairani na uryani Junoon gar aa gaya to le ke sab saman aaway ga Parhoon ga peechhe nama mein Khuda ke waste qasid Yeh keh awwal keh yan tak woh kisi unwan aaway ga Na ja ae jaan tik to aur bhi ik raat is tan se Suna hai kal ke din woh ghar mere mehman aaway ga Kisi ki qadr jeete ji nahin maloom hoti hai Kare hai qatl par peechhe tujhe arman aaway ga Gali mein is but-e-khoon-khwar ki Jurrat chala to hai Walekin wan se khoon mein dekhna afshan aaway ga