جس کے طالب ہیں وہ مطلوب کہیں بیٹھ رہا
جس کے طالب ہیں وہ مطلوب کہیں بیٹھ رہا منتظر ہم کو بٹھا خوب کہیں بیٹھ رہا بس کہ لکھی تھی میں حالت دل گم گشتہ کی کھو کے قاصد مرا مکتوب کہیں بیٹھ رہا دیکھیں کیا آنکھ اٹھا کر کہ ہمیں تو ناحق آنکھ دکھلا کے وہ محبوب کہیں بیٹھ رہا شام سے جیسے نہاں مہر ہو سو وصل کی رات منہ چھپا کر وہ اس اسلوب کہیں بیٹھ رہا ہے مری خانہ نشینی سے یہ گھر گھر مذکور خیل عشاق کا سرکوب کہیں بیٹھ رہا جانا میں اس کا نہ آنا کہ سمجھ کر وہ شوخ بیٹھنے کو مرے معیوب کہیں بیٹھ رہا بود و باش اپنی کہیں کیا کہ اب اس بن یوں ہے جس طرح سے کوئی مجذوب کہیں بیٹھ رہا اول عشق میں صورت یہ بنی جرأتؔ کی ہو کے آخر کو وہ محجوب کہیں بیٹھ رہا
English rendering
Jis ke taalib hain woh matloob kahin baith raha Muntazir hum ko bitha khoob kahin baith raha Bas keh likhi thi main haalat dil-e-gum-gashta ki Kho ke qaasid mera maktoob kahin baith raha Dekhen kya aankh utha kar keh hamein to naahaq Aankh dikhla ke woh mehboob kahin baith raha Shaam se jaise nihaan mehr ho so vasl ki raat Munh chhupa kar woh is usloob kahin baith raha Hai meri khaana-nasheeni se yeh ghar ghar mazkoor Khail-e-ushshaaq ka sarkoob kahin baith raha Jaana main us ka na aana keh samajh kar woh shokh Baithne ko mere maayoob kahin baith raha Bood-o-baash apni kahin kya keh ab us bin yun hai Jis tarah se koi majzoob kahin baith raha Awwal-e-ishq mein soorat yeh bani Jurrat ki Ho ke aakhir ko woh mahjoob kahin baith raha