جو روئیں درد دل سے تلملا کر
جو روئیں درد دل سے تلملا کر تو وہ ہنستا ہے کیا کیا کھلکھلا کر یہی دیکھا کہ اٹھوائے گئے بس جو دیکھا ٹک ادھر کو آنکھ اٹھا کر بھلا دیکھیں یہ کن آنکھوں سے کیوں جی کسی کو دیکھنا ہم کو دکھا کر کھڑا رہنے نہ دیں وو اب کہ جو شخص اٹھاتے تھے مزے ہم کو بٹھا کر گیا وو دل بھی پہلو سے کہ جس کو کبھی روتے تھے چھاتی سے لگا کر چلی جاتی ہے تو اے عمر رفتہ یہ ہم کو کس مصیبت میں پھنسا کر خط آیا واں سے ایسا جس سے اپنا نوشتہ خوب سمجھے ہم پڑھا کر ابھی گھر سے نہیں نکلا وہ تس پر چلا گھر بار اک عالم لٹا کر دیا دھڑکا اسے کچھ وصل میں ہائے بگاڑی بات گردوں نے بنا کر محبت ان دنو جو گھٹ گئی واں تو کچھ پاتے نہیں اس پاس جا کر مگر ہم شوق کے غلبے سے ہر بار خجل ہوتے ہیں ہاتھ اپنا بڑھا کر نہیں منہ سے نکلتی اس کے کچھ بات کسی نے کیا کہا جرأتؔ سے آ کر
English rendering
Jo roein dard-e-dil se talmala kar To woh hansta hai kya kya khilkhila kar Yehi dekha keh uthwaaye gaye bas Jo dekha tuk idhar ko aankh utha kar Bhala dekhein yeh kin aankhon se kyun ji Kisi ko dekhna hum ko dikha kar Khara rehne na dein woh ab keh jo shakhs Uthaate the maze hum ko bitha kar Gaya woh dil bhi pahlu se keh jis ko Kabhi rote the chhaati se laga kar Chali jaati hai tu ae umr-e-rafta Yeh hum ko kis museebat mein phansa kar Khat aaya waan se aisa jis se apna Nawishta khoob samjhe hum parha kar Abhi ghar se nahin nikla woh tus par Chala ghar-baar ik aalam luta kar Diya dharka use kuchh wasl mein haaye Bigaari baat gardoon ne bana kar Mohabbat un dino jo ghat gayi waan To kuchh paate nahin us paas ja kar Magar hum shauq ke ghalbe se har baar Khajil hote hain haath apna barha kar Nahin munh se nikalti us ke kuchh baat Kisi ne kya kaha Jurat se aa kar