جوش گریہ یہ دم رخصت یار آئے نظر
جوش گریہ یہ دم رخصت یار آئے نظر ابر جوشاں کا بندھا جیسے کہ تار آئے نظر رنگ گل زار جہاں گرچہ ہزار آئے نظر چین پر دل کو کہاں تاکہ نہ یار آئے نظر اپنا جب کوئے تصور میں گزار آئے نظر جس طرف دیکھیں ادھر صورت یار آئے نظر ہوں میں کس غیرت گل زار کا زخمی کہ مرے ہر بن مو پہ گل زخم ہزار آئے نظر بن پڑھے پھاڑ کے خط رکھ دے جو وہ روزن میں جوں قلم سینہ مرا کیوں نہ فگار آئے نظر ہم سخن جس سے نہ ہو سکیے پھر اس شوخ سے آہ! اور کچھ بات کا کب دار و مدار آئے نظر ہو جہاں جنبش لب کا بھی نہ یارا اے وائے منہ کہاں یہ کہ جو واں بوس و کنار آئے نظر ہم دل افروختہ واں جوں شرر سنگ ہیں آہ نہ جہاں پیک صبا کا بھی گزار آئے نظر سر بلندی جنہیں دے چرخ نہ دے چین انہیں کہ بہ گردش مہ و خور لیل و نہار آئے نظر جب کہ ہر روز کٹیں وعدے پہ گھڑیاں گنتے کیوں نہ ہر دن ہمیں پھر روز شمار آئے نظر اس کے محرم پہ بھبوکا سی جو دیکھوں چڑیا کیوں نہ جوں طائر سیماب قرار آئے نظر ہو بہ صد رنگ شگفتہ لب دریا پہ وہ باغ ہر روش جس میں کہ بس لطف ہزار آئے نظر چار سو نغمہ سرائی میں ہوں مرغان چمن شاخ در شاخ عجائب گل و بار آئے نظر موج دریا ادھر اٹکھیلی کی چالیں دکھلائے اور ادھر رقص کناں باد بہار آئے نظر ہووے اطراف سے گھنگھور گھٹا گھر آئی کوند بجلی کی ہو اور پڑتی پھوار آئے نظر اک طرف مور منڈیروں پہ کریں کیا کیا شور اک طرف ابر میں بگلوں کی قطار آئے نظر گردش جام ہو جوں گردش چشمان بتاں ہاتھ میں مطرب سر خوش کے ستار آئے نظر لب بہ لب سینہ بہ سینہ جسے چاہیں وہ ہو گلشن زیست کی تب ہم کو بہار آئے نظر عاشقانہ غزل اب پڑھ کوئی جرأتؔ تہہ دار معنیٔ تازہ بھی تا یاروں کو یار آئے نظر
English rendering
Josh-e-girya yeh dam-e-rukhsat-e-yaar aaye nazar Abr-e-joshaan ka bandha jaise keh taar aaye nazar Rang-e-gulzaar jahaan garche hazaar aaye nazar Chain par dil ko kahaan taake na yaar aaye nazar Apna jab kooye-tasavvur mein guzaar aaye nazar Jis taraf dekhein udhar soorat-e-yaar aaye nazar Hoon main kis ghairat-e-gulzaar ka zakhmi keh mere Har ban-e-moo pe gul-e-zakhm hazaar aaye nazar Bin padhe phaad ke khat rakh de jo woh rozan mein Jon qalam seena mera kyun na figaar aaye nazar Hum-sukhan jis se na ho sakiye phir us shokh se aah! Aur kuchh baat ka kab daar-o-madaar aaye nazar Ho jahaan junbish-e-lab ka bhi na yaara aye waaye Munh kahaan yeh keh jo waan bos-o-kanaar aaye nazar Hum dil-afrokhta waan jon sharar-e-sang hain aah Na jahaan paik-e-saba ka bhi guzaar aaye nazar Sar-bulandi jinhein de charkh na de chain unhein Keh ba-gardish-e-mah-o-khur lail-o-nahaar aaye nazar Jab keh har roz katein waade pe ghadiyaan ginte Kyun na har din hamein phir roz-e-shumaar aaye nazar Us ke mahram pe bhabhooka si jo dekhun chidiya Kyun na jon taair-e-seemaab qaraar aaye nazar Ho ba-sad rang shagufta lab-e-dariya pe woh baagh Har ravish jis mein keh bas lutf hazaar aaye nazar Chaar-soo naghma-saraai mein hon murghaan-e-chaman Shaakh dar shaakh ajaaib gul-o-baar aaye nazar Mauj-e-dariya idhar atkheli ki chaalein dikhlaaye Aur idhar raqs-kunaan baad-e-bahaar aaye nazar Hove atraaf se ghanghor ghata ghir aayi Kond bijli ki ho aur padti phuhaar aaye nazar Ek taraf mor munderon pe karein kya kya shor Ek taraf abr mein baglon ki qataar aaye nazar Gardish-e-jaam ho jon gardish-e-chashmaan-e-butaan Haath mein mutrib-e-sar-khush ke sitaar aaye nazar Lab ba-lab seena ba-seena jise chaahein woh ho Gulshan-e-zeest ki tab hum ko bahaar aaye nazar Aashiqana ghazal ab padh koi Jurrat teh-daar Ma'ni-e-taaza bhi ta yaaron ko yaar aaye nazar