کب بیٹھتے ہیں چین سے ایذا اٹھائے بن
کب بیٹھتے ہیں چین سے ایذا اٹھائے بن لگتا نہیں ہے جی کہیں لگا لگائے بن جب تک نہ بے قرار ہوں پڑتا نہیں قرار آتا نہیں ہے چین ہمیں تلملائے بن بے آہ و نالہ منہ سے نکلتی نہیں ہے بات حیران بیٹھے رہتے ہیں آنسو بہائے بن زنداں لگے ہے گھر جو کسی کا نہ ہوں اسیر آتے نہیں بہ خود کہیں ہم آئے جائے بن دیوانے گر نہ ہوں تو پری رو نہ دیکھیں سیر بگڑے ہے بات حال پریشاں بنائے بن جنبش نہ دست و پا میں ہو بے شورش جنوں افسردہ طبع رہتے ہیں دھومیں مچائے بن گر ہو نہ درد عشق تو بے درد ہم کہائیں کچھ لطف گفتگو ہی نہیں ہائے وائے بن کیا جوش طبع ہو نہ مئے عشق گر پئیں کچھ کیفیت نہیں ہے یہ پیالہ پلائے بن گر بر میں ہو نہ کوئی تو پہلو تہی رہے کیا بیٹھنا ہے زانو سے زانو بھڑائے بن کوئی نہ دے دکھائی تو کیا خاک دیکھیے رہتے اسیر غم ہیں کسی کے بلائے بن افکار سیکڑوں ہوں اگر ہو نہ فکر عشق وارستگی کہاں ہے کہیں جی پھنسائے بن قاتل سے گر نہ ملیے تو جرأتؔ ہماری کیا جوں گل شگفتہ ہو نہ کوئی زخم کھائے بن
English rendering
Kab baithe hain chain se eeza uthaaye bin Lagta nahin hai ji kahin laga lagaaye bin Jab tak na be qaraar hoon parta nahin qaraar Aata nahin hai chain hamein tilmilaaye bin Be aah o naala munh se nikalti nahin hai baat Hairaan baithe rehte hain aansu bahaaye bin Zindaan lage hai ghar jo kisi ka na hoon aseer Aate nahin ba khud kahin hum aaye jaaye bin Deewaane gar na hoon to pari roo na dekhein sair Bigre hai baat haal pareshaan banaaye bin Junbish na dast o pa mein ho be shorish junoon Afsurda taba rehte hain dhoomein machaaye bin Gar ho na dard ishq to be dard hum kahaaein Kuchh lutf guftagu hi nahin haaye waaye bin Kya josh taba ho na mai-e-ishq gar piyein Kuchh kaifiyat nahin hai yeh pyaala pilaaye bin Gar bar mein ho na koi to pehlu tahi rahe Kya baithna hai zaanu se zaanu bhiraaye bin Koi na de dikhaai to kya khaak dekhiye Rehte aseer gham hain kisi ke bulaaye bin Afkaar saikron hoon agar ho na fikr ishq Waarastagi kahan hai kahin ji phansaaye bin Qaatil se gar na miliye to Jurrat hamaari kya Joon gul shagufta ho na koi zakhm khaaye bin