کب کوئی تجھ سا آئینہ رو یاں ہے دوسرا
کب کوئی تجھ سا آئینہ رو یاں ہے دوسرا ہے تو ترا ہی عکس نمایاں ہے دوسرا پوچھ اس کی مت خبر جسے ناصح سیے تھا تو وہ دھجیاں اڑا یہ گریباں ہے دوسرا شکل ان کی یہ ہے جو کہ ہیں محو جمال یار ششدر کھڑا ہے ایک تو حیراں ہے دوسرا رخ اس کا دیکھیو شب مہتاب میں کوئی گویا زمیں پہ یہ مہ تاباں ہے دوسرا کیا دل جگر کی کہیے تمنائے وصل میں حسرت بھرا ہے ایک پر ارماں ہے دوسرا وادیٔ عشق میں ہمیں برسوں یوں ہی کٹے اک دشت طے کیا کہ بیاباں ہے دوسرا تیرے خرام ناز کے صدقے کہ کب کوئی ایسا چمن میں سرو خراماں ہے دوسرا غم خوار و مونس اب ترے بیمار کے ہیں یوں تسکین ایک دے تو ہراساں ہے دوسرا جرأتؔ غزل پڑھ اور اک ایسی کہ سب کہیں کب اس طرح کا کوئی غزل خواں ہے دوسرا
English rendering
Kab koi tujh sa aaina roo yaan hai doosra Hai to tera hi aks numaayaan hai doosra Poochh us ki mat khabar jise naasih siye tha tu Woh dhajjiyaan ura yeh gareebaan hai doosra Shakl un ki yeh hai jo keh hain mahv jamaal yaar Shashdar khara hai ek to hairaan hai doosra Rukh us ka dekhiyo shab mahtaab mein koi Goya zameen pe yeh mah taabaan hai doosra Kya dil jigar ki kahiye tamanna-e-wasl mein Hasrat bhara hai ek par armaan hai doosra Waadi-e-ishq mein hamein barson yoon hi kate Ik dasht tai kiya keh bayaabaan hai doosra Tere khiraam naaz ke sadqe keh kab koi Aisa chaman mein sarv khiraamaan hai doosra Gham khwaar o monis ab tere beemaar ke hain yoon Taskeen ek de to haraasaan hai doosra Jurrat ghazal parh aur ik aisi keh sab kahein Kab is tarah ka koi ghazal khwaan hai doosra