کون دیکھے گا بھلا اس میں ہے رسوائی کیا
کون دیکھے گا بھلا اس میں ہے رسوائی کیا خواب میں آنے کی بھی تم نے قسم کھائی کیا اس کا گھر چھوڑ کے ہم تو نہ کسی در پہ گئے پر سمجھتا ہے اسے وہ بت ہرجائی کیا سنتے ہی جس کے ہوئی جان ہوا تن سے مرے اس گلی سے یہ خبر باد صبا لائی کیا واہ میں اور نہ آنے کو کہوں گا توبہ میں تو حیراں ہوں یہ بات آپ نے فرمائی کیا بہہ چلا چشم سے یکبار جو اک دریا سا بیٹھے بیٹھے مجھے کیا جانے یہ لہر آئی کیا حرف مطلب کو مرے سن کے بصد ناز کہا ہم سمجھتے نہیں بکتا ہے تو سودائی کیا شیخ جی ہم تو ہیں ناداں پر اسے آنے دو ہم بھی پوچھیں گے ہوئی آپ کی دانائی کیا کیفیت محفل خوباں کی نہ اس بن پوچھو اس کو دیکھوں نہ تو پھر دے مجھے دکھلائی کیا آج دم اپنا ٹھہرتا نہیں کیا جانیے آہ مصلحت لوگوں نے واں بیٹھ کے ٹھہرائی کیا بر میں وہ شوخ تھا اور سیر شب ماہ تھی رات اپنے گھر کیا کہیں تھی انجمن آرائی کیا پر گیا صبح سے وہ گھر تو یہی دھڑکا ہے دیکھیں آج اس کا عوض لے شب تنہائی کیا دیکھنے کا جو کروں اس کے میں دعویٰ جرأتؔ مجھ میں جرأت یہ کہاں اور مری بینائی کیا
English rendering
Kaun dekhe ga bhala is mein hai ruswaai kya Khwaab mein aane ki bhi tum ne qasam khaai kya Us ka ghar chhor ke hum to na kisi dar pe gaye Par samajhta hai use woh but harjaai kya Sunte hi jis ke hui jaan hawa tan se mere Us gali se yeh khabar baad-e-saba laai kya Waah main aur na aane ko kahoon ga tauba Main to hairaan hoon yeh baat aap ne farmaai kya Bah chala chashm se yakbaar jo ik darya sa Baithe baithe mujhe kya jaane yeh lahar aai kya Harf-e-matlab ko mere sun ke ba-sad naaz kaha Hum samajhte nahin bakta hai tu saudaai kya Sheikh ji hum to hain naadaan par use aane do Hum bhi poochhein ge hui aap ki daanaai kya Kaifiyat mahfil-e-khoobaan ki na us bin poochho Us ko dekhoon na to phir de mujhe dikhlaai kya Aaj dam apna thaharta nahin kya jaaniye aah Maslihat logon ne waan baith ke thahraai kya Bar mein woh shokh tha aur sair-e-shab-e-maah thi raat Apne ghar kya kahin thi anjuman-aaraai kya Par gaya subh se woh ghar to yehi dharka hai Dekhein aaj us ka iwaz le shab-e-tanhaai kya Dekhne ka jo karoon us ke main daawa Jurat Mujh mein jurat yeh kahaan aur meri beenaai kya