کس جا نہ بے قراری سے میں خستہ تن گیا
کس جا نہ بے قراری سے میں خستہ تن گیا پر دیکھنے کا اس کے کہیں ڈھب نہ بن گیا کس کس طرح کی کی خفگی دل نے مجھ سے آہ روٹھا کسی کا یار کسی سے جو من گیا یارو جہاں میں اب کہیں دیکھی وفا کی چال جانے دو یہ نہ ذکر کرو وہ چلن گیا سوسن زباں نکالے جو نکلی تو زیر خاک کیا جانیے کہ کون یہ تشنہ دہن گیا اے عشق سچ تو یہ ہے کہ شیریں نے کچھ نہ کی حسرت کا کوہ دل پہ لیے کوہ کن گیا بس ناصحا یہ تیر ملامت کہاں تلک باتوں سے تیری آہ کلیجا تو چھن گیا کل اس صنم کے کوچے سے نکلا جو شیخ وقت کہتے تھے سب ادھر سے عجب برہمن گیا پیدا یہ ہجر یار میں وحشت ہوئی کہ آہ اس دل کا وصل میں بھی نہ دیوانہ پن گیا حیراں ہے تجھ کو دیکھ کے جرأتؔ مری تو عقل دو چار دن میں کیا یہ ترا حال بن گیا
English rendering
Kis ja nah beqaraari se main khastah-tan gaya Par dekhne ka us ke kahin dhab nah ban gaya Kis kis tarah ki ki khafgi dil ne mujh se aah Rootha kisi ka yaar kisi se jo man gaya Yaaro jahaan mein ab kahin dekhi wafa ki chaal Jaane do yeh nah zikr karo woh chalan gaya Sosan zabaan nikaale jo nikli to zer-e-khaak Kya jaaniye keh kaun yeh tishnah-dahan gaya Aye ishq sach to yeh hai keh Sheerin ne kuchh nah ki Hasrat ka koh dil pe liye kohkan gaya Bas naasiha yeh teer-e-malaamat kahaan talak Baaton se teri aah kaleja to chhin gaya Kal us sanam ke kooche se nikla jo sheikh-e-waqt Kehte the sab idhar se ajab barahman gaya Paida yeh hijr-e-yaar mein wehshat hui keh aah Us dil ka vasl mein bhi nah deewanapan gaya Hairaan hai tujh ko dekh ke Jurat meri to aql Do-chaar din mein kya yeh tera haal ban gaya