کچھ منہ سے دینے کہہ وہ بہانے سے اٹھ گیا
کچھ منہ سے دینے کہہ وہ بہانے سے اٹھ گیا حرف سخاوت آہ زمانے سے اٹھ گیا ہے اس کے دیکھنے کی ہوس کیا غضب کہ آہ جو تند خو ٹک آنکھ اٹھانے سے اٹھ گیا پوچھی جو اس سے میں دل صد چاک کی خبر الجھا کے اپنی زلف وہ شانے سے اٹھ گیا کہیو صبا جو ہووے گزر یار کی طرف دل سب طرف سے آپ کے جانے سے اٹھ گیا پایا جو مضطرب مجھے محفل میں تو وہیں شرما کے کچھ وہ اپنے بیگانے سے اٹھ گیا ہوتا تھا اپنے جانے سے جس کو قلق سو ہائے گھبرا کے آج کیا مرے آنے سے اٹھ گیا ہمدم نہ مجھ کو قصۂ عیش و طرب سنا مدت سے دل کچھ ایسے فسانے سے اٹھ گیا جب تک تو آئے آئے کہ دنیا ہی سے کوئی لے جان تیرے دیر لگانے سے اٹھ گیا جرأتؔ ہم اس زمین میں کہتے ہیں اور شعر ہر چند جی سخن کے بڑھانے سے اٹھ گیا
English rendering
Kuchh munh se dene keh woh bahaane se uth gaya Harf sakhaawat aah zamaane se uth gaya Hai us ke dekhne ki hawas kya ghazab keh aah Jo tund khoo tak aankh uthaane se uth gaya Poochhi jo us se main dil sad chaak ki khabar Uljha ke apni zulf woh shaane se uth gaya Kahiyo saba jo howe guzar yaar ki taraf Dil sab taraf se aap ke jaane se uth gaya Paaya jo muztarib mujhe mehfil mein to wahin Sharma ke kuchh woh apne begaane se uth gaya Hota tha apne jaane se jis ko qalaq so haaye Ghabra ke aaj kya mere aane se uth gaya Hamdam na mujh ko qissa-e-aish o tarab suna Muddat se dil kuchh aise fasaane se uth gaya Jab tak tu aaye aaye keh duniya hi se koi Le jaan tere der lagaane se uth gaya Jurrat hum is zameen mein kehte hain aur sher Har chand ji sukhan ke barhaane se uth gaya