کیوں کر گلی میں اس کی میں اے ہم رہاں رہوں
کیوں کر گلی میں اس کی میں اے ہم رہاں رہوں اس آرزوئے دل پہ ہے واں تو نہ ''ہاں'' نہ ''ہوں'' پاتا ہوں میں جہاں اسے ہوتے ہیں واں مخل حیراں ہوں اب کہ راز دل اس سے کہاں کہوں بس بند کر زباں کہ سنے اے زباں دراز کب تک تری زباں سے کوئی کم زباں زبوں شہر طرب سے شکل گنہ گار دل مرا آخر ہوا بہ دوستیٔ دل براں بروں ظاہر ہے قتل عاشق مضطر کہ خوں سے سرخ ہے قصر خانہ کا ترے اے دل ستاں ستوں قائل بہ دل ہوں تب عمل حب کا میں کہ جب اس شوخ سے بہ جد و کد عاملاں ملوں بے یار جب لگے مجھے زنداں سے گھر بتر برباد کیونکہ عشق میں پھر خانداں نہ دوں کیا خاک آب داریٔ تیغ اس سے ہو کہ ہے وہ چشم سرمہ سا جو بہ سنگ فساں فسوں جرأتؔ ز بس ہیں اہل جہاں حرف نا شنو داخل سخن میں کیونکہ بہ گوش گراں کروں
English rendering
Kyun kar gali mein is ki main ae humrahan rahoon Is arzoo-e-dil pe hai wan to na ''han'' na ''hoon'' Pata hoon main jahan isay hote hain wan mukhil Hairan hoon ab keh raz-e-dil is se kahan kahoon Bas band kar zaban keh sunay ae zaban-daraz Kab tak teri zaban se koi kam-zaban zaboon Shehr-e-tarab se shakl-e-gunahgar dil mera Aakhir hua ba-dosti-e-dilbaran baroon Zahir hai qatl-e-aashiq-e-muztar keh khoon se surkh Hai qasr-e-khana ka tere ae dil-sitan satoon Qail ba-dil hoon tab amal-e-hubb ka main keh jab Is shokh se ba-jadd-o-kad aamilan miloon Be-yaar jab lagay mujhe zindan se ghar badtar Barbad kyunke ishq mein phir khandan na doon Kya khak aabdari-e-tegh is se ho keh hai Woh chashm surma sa jo ba-sang-e-fasan fasoon Jurrat ze bas hain ahl-e-jahan harf-na-shunav Dakhil sukhan mein kyunke ba-gosh-e-giran karoon