لب و دنداں کا تمہارے جو ہے دھیاں آٹھ پہر
لب و دنداں کا تمہارے جو ہے دھیاں آٹھ پہر نہیں لگتی مری تالو سے زباں آٹھ پہر روش سیر وہ گلشن میں جو ٹک جا بیٹھے بلبلیں گل کے اٹھایا کریں کاں آٹھ پہر در سے اب نکلے وہ کیوں اس کو تو یہ ہے منظور کہ نکلتی ہی کسی کی رہے جاں آٹھ پہر کیوں کہ خوں ریز رہے تیز نہ وہ تیغ نگاہ سنگ سرمہ سے چڑھا کرتی ہے ساں آٹھ پہر کہتے ہیں سب ترے عاشق کو کہ شاید اے واے ہے گرفتار مصیبت یہ جواں آٹھ پہر دل کے لگنے سے یہ دیکھا کہ لگے رہتے ہم آہ خود بخود مضطرب الحال نداں آٹھ پہر جس کا ہے دھیان ہمیں اس کو بھی اپنا ہے خیال وائے غفلت کہ یہ ہم کو ہے گماں آٹھ پہر حسن خوبی بتاں کچھ نہ ادا ہو بخدا کیجے گر لاکھ برس تک یہ بیاں آٹھ پہر طرفہ اس جنس محبت کا بھی سودا دیکھا سود میں جس کے رہے خوف زیاں آٹھ پہر جب سے ہے ہم سے جدا آہ وہ رشک مہ و مہر منہ لپیٹے ہیں بس اور ہے یہی دھیاں آٹھ پہر رات کو رات سمجھتے ہیں نہ ہم دن کو دن اپنی آنکھوں میں ہے تاریک جہاں آٹھ پہر ان دنوں آپ میں تجھ کو کبھی پاتے ہی نہیں کس کا رہتا ہے یہ جرأتؔ تجھے دھیاں آٹھ پہر
English rendering
Lab o dandan ka tumhare jo hai dhyan aath pehar Nahin lagti meri talu se zaban aath pehar Ravish-e-sair woh gulshan mein jo tik ja baithay Bulbulein gul ke uthaya karein kan aath pehar Dar se ab niklay woh kyun is ko to yeh hai manzoor Keh nikalti hi kisi ki rahay jaan aath pehar Kyun keh khoon rez rahay tez na woh tegh-e-nigah Sang-e-surmah se charha karti hai saan aath pehar Kehte hain sab tere aashiq ko keh shayad ae wae Hai giraftar-e-musibat yeh jawan aath pehar Dil ke lagne se yeh dekha keh lagay rehte hum aah Khud ba khud muztarib-ul-haal nadan aath pehar Jis ka hai dhyan hamein is ko bhi apna hai khayal Wae ghaflat keh yeh hum ko hai guman aath pehar Husn khoobi bayan kuchh na ada ho ba-Khuda Kijiye gar lakh baras tak yeh bayan aath pehar Turfa is jins-e-mohabbat ka bhi sauda dekha Sood mein jis ke rahay khauf-e-ziyan aath pehar Jab se hai hum se juda aah woh rashk-e-mah-o-mehr Munh lapete hain bas aur hai yehi dhyan aath pehar Raat ko raat samajhte hain na hum din ko din Apni aankhon mein hai tareek jahan aath pehar In dinon aap mein tujh ko kabhi pate hi nahin Kis ka rehta hai yeh Jurrat tujhe dhyan aath pehar