میں کہا ایک ادا کر تو لگا کہنے ''اوں ہوں''
میں کہا ایک ادا کر تو لگا کہنے ''اوں ہوں'' دیکھ ٹک آنکھ چرا کر تو لگا کہنے ''اوں ہوں'' سب سے ہنستا تھا وہ کل، رو کے جو میں بول اٹھا ہم سے بھی ٹک تو ہنسا کر تو لگا کہنے ''اوں ہوں'' میں کہا دل کو میں لے جاؤں تو بولا وہ کہ ''ہوں'' لے چلا جب میں اٹھا کر تو لگا کہنے ''اوں ہوں'' میں کہا صبر و دل و دیں نے وفا ہم سے نہ کی بے وفا تو تو وفا کر تو لگا کہنے ''اوں ہوں'' میں کہا جام مے پیتے ہو تو بولا وہ کہ ''ہوں'' جب کہا لاؤں چھپا کر تو لگا کہنے ''اوں ہوں'' میں کہا صحبت اغیار بری ہے پیارے ان سے اتنا نہ ملا کر تو لگا کہنے ''اوں ہوں'' میں کہا عشق کو اظہار کروں بولا ''ہوں'' جب کہا کہتا ہوں جا کر تو لگا کہنے ''اوں ہوں'' میں کہا سمجھے ہے آزار مرا بولا ''ہوں'' جب کہا کچھ تو دوا کر تو لگا کہنے ''اوں ہوں'' میں کہا اب تری دوری سے ہے جرأتؔ بے تاب کچھ تو کہہ پاس بلا کر تو لگا کہنے ''اوں ہوں''
English rendering
Main kaha ek ada kar tu laga kehne ''Aaoon hoon'' Dekh tuk aankh chura kar tu laga kehne ''Aaoon hoon'' Sab se hansta tha woh kal, ro ke jo main bol utha Hum se bhi tuk tu hansa kar tu laga kehne ''Aaoon hoon'' Main kaha dil ko main le jaaoon tu bola woh keh ''Hoon'' Le chala jab main utha kar tu laga kehne ''Aaoon hoon'' Main kaha sabr-o-dil-o-deen ne wafa hum se na ki Be-wafa tu to wafa kar tu laga kehne ''Aaoon hoon'' Main kaha jaam-e-mai peete ho tu bola woh keh ''Hoon'' Jab kaha laaoon chhupa kar tu laga kehne ''Aaoon hoon'' Main kaha sohbat-e-aghyaar buri hai pyaare Un se itna na mila kar tu laga kehne ''Aaoon hoon'' Main kaha ishq ko izhaar karoon bola ''Hoon'' Jab kaha kehta hoon ja kar tu laga kehne ''Aaoon hoon'' Main kaha samjhe hai aazaar mera bola ''Hoon'' Jab kaha kuchh tu dawa kar tu laga kehne ''Aaoon hoon'' Main kaha ab teri doori se hai Jurat betaab Kuchh to kah paas bula kar tu laga kehne ''Aaoon hoon''