مطلب کی کہہ سناؤں کسی بات میں لگا
مطلب کی کہہ سناؤں کسی بات میں لگا رہتا ہوں روز و شب میں اسی گھات میں لگا محفل میں مضطرب سا جو دیکھا مجھے تو بس کہنے کسی سے کچھ وہ اشارات میں لگا ہوتے ہی وصل کچھ خفقاں سا اسے ہوا دھڑکا یہ بے طرح کا ملاقات میں لگا کل رات ہم سے اس نے تو پوچھی نہ بات بھی غیروں کی یاں تلک وہ مدارات میں لگا آیا ہے ابر گھر کے اب آنے میں ساقیا تو بھی نہ دیر موسم برسات میں لگا مسجد میں سر بہ سجدہ ہوئے ہم تو کیا کہ ہے کم بخت دل تو بزم خرابات میں لگا گھٹے پہ اپنے ماتھے کہ نازاں جو اب ہوئے یہ داغ شیخ جی کے کرامات میں لگا گر مجھ کو کارخانۂ تقدیر میں ہو دخل روز قیام وصل کی دوں رات میں لگا پرواز تا بہ عرش اگر تو نے کی تو کیا صیاد مرگ ہے تری نت گھات میں لگا وقت اخیر آئے ترے کام جو دلا اب دھیان گیان اپنا اس اوقات میں لگا جرأتؔ ہماری بات پہ آیا نہ یاں تو آہ کیا جانیے کسی کی وہ کس بات میں لگا
English rendering
Matlab ki keh sunaun kisi baat mein laga Rehta hoon roz-o-shab main isi ghat mein laga Mehfil mein muztarib sa jo dekha mujhe to bas Kehne kisi se kuchh woh isharat mein laga Hote hi wasl kuchh khafqan sa isay hua Dharka yeh be-tarah ka mulaqat mein laga Kal raat hum se is ne to poochhi na baat bhi Ghairon ki yan talak woh mudarat mein laga Aaya hai abr ghir ke ab aane mein saqiya Tu bhi na der mausam-e-barsat mein laga Masjid mein sar ba-sajda huay hum to kya keh hai Kam-bakht dil to bazm-e-kharabat mein laga Ghutte pe apne mathe ke nazan jo ab huay Yeh dagh Sheikh ji ke karamat mein laga Gar mujh ko karkhana-e-taqdeer mein ho dakhl Roz-e-qiyam wasl ki doon raat mein laga Parwaz ta ba-arsh agar tu ne ki to kya Sayyad-e-marg hai teri nit ghat mein laga Waqt-e-akheer aaye tere kaam jo dila Ab dhyan gyan apna is auqat mein laga Jurrat hamari baat pe aaya na yan to aah Kya janiye kisi ki woh kis baat mein laga