رات جب تک مرے پہلو میں وہ دل دار نہ تھا
رات جب تک مرے پہلو میں وہ دل دار نہ تھا دل کو مجھ سے مجھے کچھ دل سے سروکار نہ تھا گرد اس کوچے کے کس دن یہ گنہ گار نہ تھا واے حسرت کہ کوئی رخنہ بہ دیوار نہ تھا کل تو بیمار کو تھا تیرے نہ بستر پہ قرار آج بستر تھا فقط اور وہ بیمار نہ تھا شکر اے باد فنا جوں شجر سوختہ میں تھا تو گلشن میں ولے قابل گل زار نہ تھا نہیں تل دھرنے کی جاگہ جو بہ افزونیٔ حسن دیکھا شب اس کو تو اک خال بہ رخسار نہ تھا رات کیا بات تھی بتلا ترے صدقے جاؤں آہیں بھرنا وہ ترا خالی از اسرار نہ تھا دل کو دھر نوک سناں پر وہ یہ بولا ہنس کے ہم نے منصور کو دیکھا بہ سر دار نہ تھا بحث میں چشم تر و ابر کی کل تھا جو سماں کبھی اس شکل سے رونے کا بندھا تار نہ تھا ذبح ہم سامنے ہوتے ہی ہوئے قاتل کے باوجودیکہ کوئی ہاتھ میں ہتھیار نہ تھا بعد مردن مرے تابوت پہ سب روتے تھے چشم پر آب مگر اک وہ ستم گار نہ تھا لیک کیا منہ کو چھپاتا تھا جو کہتے تھے یہ لوگ اس کو ظاہر میں تو مرنے کا کچھ آزار نہ تھا طبع کہہ اور غزل، ہے یہ نظیریؔ کا جواب ریختہ یہ جو پڑھا قابل اظہار نہ تھا
English rendering
Raat jab tak mere pehlu mein woh dil daar na tha Dil ko mujh se mujhe kuchh dil se sarokaar na tha Gird us kooche ke kis din yeh gunahgaar na tha Waa-e-hasrat keh koi rakhna ba deewaar na tha Kal to beemaar ko tha tere na bistar pe qaraar Aaj bistar tha faqat aur woh beemaar na tha Shukr aye baad-e-fana jon shajar-e-sokhta main Tha to gulshan mein wale qaabil-e-gulzaar na tha Nahin tal dharne ki jaagah jo ba afzooni-e-husn Dekha shab us ko to ek khaal ba rukhsaar na tha Raat kya baat thi batla tere sadqe jaaun Aahein bharna woh tera khaali az israar na tha Dil ko dhar nok-e-sinaan par woh yeh bola hans ke Hum ne Mansoor ko dekha ba sar-e-daar na tha Bahs mein chashm-e-tar-o-abr ki kal tha jo samaan Kabhi is shakl se rone ka bandha taar na tha Zabah hum saamne hote hi hue qaatil ke Baawajood yeh keh koi haath mein hathyaar na tha Baad-e-murdan mere taaboot pe sab rote the Chashm pur-aab magar ek woh sitamgaar na tha Laik kya munh ko chhupaata tha jo kehte the yeh log Us ko zaahir mein to marne ka kuchh aazaar na tha Tab' kahe aur ghazal, hai yeh Nazeeri ka jawaab Reekhta yeh jo padha qaabil-e-izhaar na tha