شب وصل دیکھی جو خواب میں تو سحر کو سینہ فگار تھا
شب وصل دیکھی جو خواب میں تو سحر کو سینہ فگار تھا یہی بس خیال تھا دم بہ دم کہ ابھی تو پاس وہ یار تھا جو نہ تھا وہ غیرت گلستاں تو کروں اب اس کا میں کیا بیاں کہ الم جدائی کا ہر زماں مرے ایک دل پہ ہزار تھا شب ہجر کے کہیں کیا الم نظر آئے صبح کو بہتے یم کہ بہ جوش بارش ابر غم پہ بندھا سرشک کا تار تھا تپ غم سے تھا جو جلا بلا مرے سینے میں دل مبتلا سو دھواں ہو یوں وہ ہوا ہوا کہ نہ شعلہ تھا نہ شرار تھا کبھی دست زلف سے تھے بہم کبھی رخ کے لیتے تھے بوسے ہم شب و روز اب تو ہے درد و غم کبھی ووں بھی لیل و نہار تھا جسے یاد اپنی لگائیے اسے صاف دل سے بھلائیے ٹک ادھر تو آنکھ ملائیے یہی ہم سے قول و قرار تھا شب ہجر اب یہ ستائے ہے کہ خزان مرگ دکھائے ہے وہ رخ اب کہاں نظر آئے ہے کہ جو رشک صبح بہار تھا مجھے شب جو نشۂ غم چڑھا تو پھرا کیا میں کھڑا کھڑا رہا غش میں صبح کو جو پڑا اسی کیف کا یہ اتار تھا ہوئی حیرت اب جو دو چند یاں کروں اور وجہ میں کیا بیاں رخ یار صبح کو مہر ساں مگر آئنے سے دو چار تھا مجھے ایک عاشق خستہ کی کہیں کل جو قبر نظر پڑی نہ کسی سے کوئی لگائے جی یہ کھدا بہ لوح مزار تھا دم قتل کوئی جو بول اٹھا تو خجل ہو کیا وہ خفا ہوا اسے تم نے ذبح عبث کیا یہ تمہارا شکر گزار تھا کوئی ناؤ بحر میں تھی رواں کئی اس میں بیٹھے تھے مہو شاں کہیں اس گروہ کے درمیاں در ناز بھی وہ سوار تھا تو بہ موج پرتو ماہ سا کہو اضطراب میں دل کا کیا کبھی پار تھا کبھی وار تھا کبھی وار تھا کبھی پار تھا غزل اور قافیے کو بدل میں سناؤں یاروں کو بر محل ہوا مختصر نہ بہ یک غزل کہ بڑا فسانۂ یار تھا
English rendering
Shab-e-vasl dekhi jo khwaab mein to sahar ko seena figaar tha Yahi bas khayaal tha dam-ba-dam keh abhi to paas woh yaar tha Jo nah tha woh ghairat-e-gulistaan to karoon ab us ka main kya bayaan Keh alam-e-judaai ka har zamaan mare ek dil pe hazaar tha Shab-e-hijr ke kahin kya alam nazar aaye subh ko behte yam Keh ba-josh-e-baarish-e-abr-e-gham pe bandha sarishk ka taar tha Tap-e-gham se tha jo jala-bala mare seene mein dil-e-mubtala So dhuaan ho yoon woh hawa hua keh nah shola tha nah sharaar tha Kabhi dast-e-zulf se the bahm kabhi rukh ke lete the bose hum Shab-o-roz ab to hai dard-o-gham kabhi woon bhi lail-o-nahaar tha Jise yaad apni lagaiye use saaf dil se bhulaiye Tuk idhar to aankh milaiye yahi hum se qaul-o-qaraar tha Shab-e-hijr ab yeh sataaye hai keh khazaan marg dikhaaye hai Woh rukh ab kahaan nazar aaye hai keh jo rashk-e-subh-e-bahaar tha Mujhe shab jo nasha-e-gham charha to phira kiya main khara khara Raha ghash mein subh ko jo para isi kaif ka yeh utaar tha Hui hairat ab jo do-chand yaan karoon aur wajah main kya bayaan Rukh-e-yaar subh ko mehr-saan magar aaine se do-chaar tha Mujhe ek aashiq-e-khastah ki kahin kal jo qabr nazar pari Nah kisi se koi lagaaye ji yeh khuda ba-lauh-e-mazaar tha Dam-e-qatl koi jo bol utha to khajil ho kya woh khafa hua Use tum ne zabh abas kiya yeh tumhaara shukr-guzaar tha Koi naao bahr mein thi rawaan kai us mein baithe the mahv-e-shaan Kahin us giroh ke darmiyaan dar-e-naaz bhi woh sawaar tha To ba-mauj-e-partav-e-maah sa kaho iztiraab mein dil ka kya Kabhi paar tha kabhi waar tha kabhi waar tha kabhi paar tha Ghazal aur qaafiye ko badal mein sunaaoon yaaron ko bar-mahal Hua mukhtasar nah ba-yak ghazal keh bara fasana-e-yaar tha