جرات قلندر بخش

English rendering

Suno baat us ki ulfat ka barhana us ko kehte hain Kaha shab khwab mein aa kar keh aana us ko kehte hain Qadam wadi-e-wahshat naak ulfat mein rakha hum ne Hazar aafaat ka sar par uthana us ko kehte hain Hamari baat kaati ghair ki taeed ki us ne Ghatana us ko kehte hain barhana us ko kehte hain Jo roothe hum to bole be dili se tum keh aa mil ja Idhar ko dekhiyo kyun ji manana us ko kehte hain Dil muztar ke baais roz-o-shab rehte hain bas larzan Dar-o-deewar-e-khana talmalana us ko kehte hain Woh dushman apna samjhe hai ba dil mein dost hoon jis ka Kahoon kya aur par ulta zamana us ko kehte hain Yeh bole dekh sab tasveer us ki aur meri yakja Pari ro us ko kehte hain deewana us ko kehte hain Kya hai shefta aalam ko apna us pari ro ne Deewana ik jahan ko kar dikhana us ko kehte hain Yeh chashm-e-gohar afshan hazrat-e-dil jalwa farma hain Nikal ghar se dar-e-daulat pe aana us ko kehte hain Jo gulshan mein kisi ne dekh khilna ghuncha-e-gul ka Kaha bas aa ke yan lazzat uthana us ko kehte hain Tabassum kar ke yun mujh se kaha us shokh ne ao be Idhar ko dekh ada se muskurana us ko kehte hain Ghazal aur us zameen mein parhiye woh Jur'at keh sun jis ko Kahein aashiq kalam-e-aashiqana us ko kehte hain