تصور باندھتے ہیں اس کا جب وحشت کے مارے ہم
تصور باندھتے ہیں اس کا جب وحشت کے مارے ہم تو پھر کرتے ہیں آپ ہی آپ کیا کیا کچھ اشارے ہم کہے ہے یوں دل مضطر سے اس بن جان غم دیدہ چلو تم رفتہ رفتہ آتے ہیں پیچھے تمہارے ہم کئی بار اس نے دیکھا آج چشم قہر سے ہم کو سزا وار عقوبت تو ہوئے اے بخت بارے ہم نہ مانی دل نے اپنی اور نہ ہم نے بات ناصح کی ہمیں کہہ کہہ کے ہارا وہ اسے کہہ کے ہارے ہم وہ جب آئینہ دیکھے ہے تو کیا کیا مسکراتا ہے سمجھ کر یہ کہ یعنی ہیں قیامت پیارے پیارے ہم ملا لطف سخن کیا خاک ہم کو اس کی محفل میں کہ چپ بیٹھے رہے جوں نقش دیوار اک کنارے ہم ہوئے ہیں چاہنے والے تمہارے سیکڑوں پیدا یہ سچ ہے جی کہ کس گنتی میں ہیں یاں اب بچارے ہم کسی مہوش کے غم نے کر دیا نا طاقت ایسا ہی کہ چھٹتے دیکھتے ہیں اکثر آنکھوں آگے تارے ہم اٹھا کر آنکھ تو تم دیکھ لو یاں کوئی دیکھے ہے ذرا قربان ہونے دو ہمیں صدقے تمہارے ہم کریں کیا آہ اور کس سے کہیں ہم اپنی بے چینی کہیں چین اب ترے ہاتھوں نہیں پاتے ہیں پیارے ہم قرار اک جا نظر آتا نہیں ہے بے قراری میں گل بازی کی صورت پھرتے ہیں بس مارے مارے ہم ہمیں کیا خطرۂ جاں ہے کہ ہم ہیں نام کو جرأتؔ نہ ہوں پھر کیوں کہ میدان محبت میں اتارے ہم
English rendering
Tasavvur baandhte hain us ka jab wehshat ke maare hum To phir karte hain aap hi aap kya kya kuchh ishaare hum Kahe hai yoon dil-e-muztar se us bin jaan-e-gham-deedah Chalo tum raftah raftah aate hain peechhe tumhaare hum Kai baar us ne dekha aaj chashm-e-qahr se hum ko Sazawaar-e-uqoobat to hue aye bakht maare hum Nah maani dil ne apni aur nah hum ne baat naasih ki Hamein keh keh ke haara woh use keh keh ke haare hum Woh jab aaina dekhe hai to kya kya muskuraata hai Samajh kar yeh keh yaani hain qayaamat pyaare pyaare hum Mila lutf-e-sukhan kya khaak hum ko us ki mehfil mein Keh chup baithe rahe joon naqsh-e-deewaar ik kinaare hum Hue hain chaahne waale tumhaare saikron paida Yeh sach hai ji keh kis ginti mein hain yaan ab bichaare hum Kisi mahvash ke gham ne kar diya na taaqat aisa hi Keh chhatte dekhte hain aksar aankhon aage taare hum Utha kar aankh to tum dekh lo yaan koi dekhe hai Zara qurbaan hone do hamein sadqe tumhaare hum Karein kya aah aur kis se kahein hum apni bechaini Kahin chain ab tere haathon nahin paate hain pyaare hum Qaraar ik ja nazar aata nahin hai beqaraari mein Gul-baazi ki soorat phirte hain bas maare maare hum Hamein kya khatra-e-jaan hai keh hum hain naam ko Jurat Nah hon phir kyun keh maidaan-e-mohabbat mein utaare hum