واں ہے یہ بد گمانی جاوے حجاب کیوں کر
واں ہے یہ بد گمانی جاوے حجاب کیوں کر دو دن کے واسطے ہو کوئی خراب کیوں کر قاصد جواب خط ہم لکھ دیں شتاب کیوں کر واں تو جواب مانگا لکھیے جواب کیوں کر خواب و خیال سونا یاں ہو گیا ہے جس بن حیراں ہوں میں کہ اس کو آوے ہے خواب کیوں کر اس سبزہ رنگ کی ہے گرمیٔ حسن گویا چمکے ہے مہر دیکھو زیر سحاب کیوں کر کہتی ہیں چتونیں یوں بن ٹھن کے جب وہ نکلے اب دیکھنے کی دیکھیں لاوے گا تاب کیوں کر وہ وصل میں بھی ہنس ہنس پوچھے ہے لو بتاؤ کل روئیں گی تمہاری چشم پر آب کیوں کر دل جس سے لگ گیا ہے وہ چھپ رہا ہے ہم سے دوڑے پھریں نہ ہر سو پر اضطراب کیوں کر اللہ رے بھلاپا منہ دھو کے خود وہ بولے ''سونگھو تو ہو گیا یہ پانی گلاب کیوں کر'' چالاکیوں کو سن کر اس غیرت پری کی گر رک کے کہیے اس کی ہم لائیں تاب کیوں کر تو یوں لگے جتانے ''میاں تم تو ہو دوانے رہنے دے ہم کو نچلا عہد شباب کیوں کر'' اول بھی خاک ہی تھے آخر بھی خاک ہوں گے ہر دم کہیں نہ جرأتؔ یا بو تراب کیوں کر
English rendering
Waan hai yeh badgumaani jaave hijaab kyun kar Do din ke waaste ho koi kharaab kyun kar Qaasid jawaab-e-khat hum likh dein shitaab kyun kar Waan to jawaab maanga likhiye jawaab kyun kar Khwaab-o-khayaal sona yaan ho gaya hai jis bin Hairaan hoon main keh us ko aave hai khwaab kyun kar Us sabzah-rang ki hai garmi-e-husn goya Chamke hai mehr dekho zer-e-sahaab kyun kar Kehti hain chatwaniyaan yoon ban-than ke jab woh nikle Ab dekhne ki dekhein laave ga taab kyun kar Woh vasl mein bhi hans hans poochhe hai lo batao Kal roein gi tumhaari chashm-e-pur-aab kyun kar Dil jis se lag gaya hai woh chhup raha hai hum se Daure phirein nah har su par iztiraab kyun kar Allah re bholapan munh dho ke khud woh bole ''Soongho to ho gaya yeh paani gulaab kyun kar'' Chaalaakiyon ko sun kar us ghairat-e-pari ki Gar ruk ke kahiye us ki hum laayein taab kyun kar To yoon lage jataane ''miyaan tum to ho deewaane Rehne de hum ko nachla ahd-e-shabaab kyun kar'' Awwal bhi khaak hi the aakhir bhi khaak hon ge Har dam kahein nah Jurat ya Abu Turaab kyun kar