یاد آتا ہے تو کیا پھرتا ہوں گھبرایا ہوا
یاد آتا ہے تو کیا پھرتا ہوں گھبرایا ہوا چمپئی رنگ اس کا اور جوبن وہ گدرایا ہوا بات ہی اول تو وہ کرتا نہیں مجھ سے کبھی اور جو بولے ہے کچھ منہ سے تو شرمایا ہوا جا کے پھر آؤں نہ جاؤں اس گلی میں دوڑ دوڑ پر کروں کیا میں نہیں پھرتا ہے دل آیا ہوا بے سبب جو مجھ سے ہے وہ شعلہ خو سرگرم جنگ میں تو حیراں ہوں کہ یہ کس کا ہے بھڑکایا ہوا وہ کرے عزم سفر تو کیجیے دنیا سے کوچ یہ ارادہ ہم نے بھی دل میں ہے ٹھہرایا ہوا نوک مژگاں پر دل پژمردہ ہے یوں سرنگوں شاخ سے جھک آئے ہے جوں پھول مرجھایا ہوا جاؤں جاؤں کیا لگایا ہے میاں بیٹھے رہو ہوں میں اپنی زیست سے آگے ہی اکتایا ہوا تیری دوری سے یہ حالت ہو گئی اپنی کہ آہ عنقریب مرگ ہر اک اپنا ہمسایہ ہوا کیا کہیں اب عشق کیا کیا ہم سے کرتا ہے سلوک دل پہ بے تابی کا اک پیادہ ہے بٹھلایا ہوا ہے قلق سے دل کی یہ حالت مری اب تو کہ میں چار سو پھرتا ہوں اپنے گھر میں گھبرایا ہوا چپکے چپکے اپنے اپنے دل میں سب کہتے ہیں لوگ کیا بلا وحشت ہوئی ہے اس کو یا سایا ہوا حکم بار مجلس اب جرأتؔ کو بھی ہو جائے جی یہ بچارہ کب سے دروازے پہ ہے آیا ہوا
English rendering
Yaad aata hai to kya phirta hoon ghabraaya hua Champai rang us ka aur joban woh gadraaya hua Baat hi awwal to woh karta nahin mujh se kabhi Aur jo bole hai kuchh munh se to sharmaaya hua Ja ke phir aaun na jaaun us gali mein daud daud Par karun kya main nahin phirta hai dil aaya hua Be-sabab jo mujh se hai woh sho'la-kho sargarm-e-jang Main to hairaan hoon keh yeh kis ka hai bhadkaaya hua Woh kare azm-e-safar to kijiye duniya se kooch Yeh iraada hum ne bhi dil mein hai thehraaya hua Nok-e-mizhgaan par dil-e-pazhmurda hai yun sar-nigoon Shaakh se jhuk aaye hai jon phool murjhaaya hua Jaaun jaaun kya lagaaya hai miyaan baithe raho Hoon main apni zeest se aage hi uktaaya hua Teri doori se yeh haalat ho gayi apni keh aah Anqareeb-e-marg har ek apna hamsaaya hua Kya kahein ab ishq kya kya hum se karta hai sulook Dil pe betaabi ka ek pyaada hai bithlaaya hua Hai qalaq se dil ki yeh haalat meri ab to keh main Chaar-soo phirta hoon apne ghar mein ghabraaya hua Chupke chupke apne apne dil mein sab kehte hain log Kya bala wahshat hui hai us ko ya saaya hua Hukm-bardaar-e-majlis ab Jurrat ko bhi ho jaaye ji Yeh bechaara kab se darwaaze pe hai aaya hua