یاد کر وہ حسن سبز اور انکھڑیاں متوالیاں
یاد کر وہ حسن سبز اور انکھڑیاں متوالیاں کاٹتے ہیں رو ہی رو ساون کی راتیں کالیاں شب تصور باندھ کر اس جنبش مژگاں کا واہ خود بخود کس کس مزے سے ہم نے چھڑیاں کھا لیاں دیکھیں کیا ان کی لچک اس ساعد نازک بغیر کھینچتی ہیں کیوں ہمیں کانٹوں میں گل کی ڈالیاں کچھ نہ کچھ کر بیٹھتا ہوں بات اس کے بر خلاف تا کسی صورت وہ دے جھنجھلا کے مجھ کو گالیاں مہ اسیر ہالہ اس کا دیکھ بالا کیوں نہ ہو خندہ زن ہوں مہر پر جس کی جڑاؤ بالیاں شب کو جو اس کا تصور بندھ گیا تو ہم نے بس اس کے مکھڑے کی بلائیں صبح تک کیا کیا لیاں وقت اظہار وفا محفل میں اس کی جس سے آنکھ مل گئی تو بس وہ سب باتیں اسی پر ڈھالیاں برگ گل ان کو کہوں یا پارۂ یاقوت واہ دیکھیو بن پان کھائے ان لبوں کی لالیاں کوچۂ قاتل کو گر مسلخ کہوں تو ہے بجا جب نہ تب دیکھو تو بہتی ہیں لہو کی نالیاں خون دل آنکھوں میں بھر آتا ہے جب آتی ہے یاد وہ مئے گل رنگ کی بھر بھر کے دینی پیالیاں تاک جھانک اس کی کہوں کیا میں کہ طفلی میں بھی تھیں اس کے ہاتھوں گھر کی دیواروں میں ہر سو جالیاں کاش جرأتؔ وصل کا دن ہووے جلدی سے نصیب ہجر کی تو کھائے جاتی ہیں یہ راتیں کالیاں
English rendering
Yaad kar woh husn-e-sabz aur ankharian matwaliyan Katte hain ro hi ro sawan ki ratein kaliyan Shab tasawwur bandh kar is junbish-e-mizhgan ka wah Khud ba khud kis kis maze se hum ne chhariyan kha liyan Dekhein kya un ki lachak is sa'id-e-nazuk baghair Kheenchtin hain kyun hamein kanton mein gul ki daliyan Kuchh na kuchh kar baithta hoon baat is ke bar-khilaf Ta kisi surat woh de jhunjhla ke mujh ko galiyan Mah-e-aseer-e-hala is ka dekh bala kyun na ho Khanda-zan hoon mehr par jis ki jarao baliyan Shab ko jo is ka tasawwur bandh gaya to hum ne bas Is ke mukhre ki balayein subh tak kya kya liyan Waqt-e-izhar-e-wafa mehfil mein is ki jis se aankh Mil gai to bas woh sab batein isi par dhal liyan Barg-e-gul un ko kahoon ya para-e-yaqoot wah Dekhiyo bin paan khaye un labon ki laliyan Koocha-e-qatil ko gar maslakh kahoon to hai baja Jab na tab dekho to behti hain lahu ki naliyan Khoon-e-dil aankhon mein bhar aata hai jab aati hai yaad Woh mai-e-gul-rang ki bhar bhar ke deni piyaliyan Taak jhank is ki kahoon kya main keh tifli mein bhi thin Is ke hathon ghar ki deewaron mein har soo jaliyan Kash Jurrat wasl ka din howay jaldi se naseeb Hijr ki to khaye jati hain yeh ratein kaliyan