یاں ہم کو جس نے مارا معلوم ہو رہے گا
یاں ہم کو جس نے مارا معلوم ہو رہے گا محشر میں خوں ہمارا معلوم ہو رہے گا گو پھول پھول کر اب تو دیکھتی ہے بلبل گلشن کا پر نظارا معلوم ہو رہے گا جب بحر غم میں ڈوبا دے چھوڑ دست و پا کو آخر تجھے کنارا معلوم ہو رہے گا اے صبر دم بہ دم اب درد و الم فزوں ہے جتنا ہے دل کا یارا معلوم ہو رہے گا اے آفتاب محشر کھولوں ہوں داغ دل کا چمکا اگر یہ تارا معلوم ہو رہے گا صد شعر عاشقوں کا ہونے لگا وفور اب سب حوصلہ تمہارا معلوم ہو رہے گا نقش قدم سے آخر تیری گلی میں پیارے جس کا ہوا گزارا معلوم ہو رہے گا افسوس راز دل کا جاسوس سن گئے ہیں قصہ اب اس کو سارا معلوم ہو رہے گا پوشیدہ گو ہے تجھ پر احوال میرے دل کا ہے یہ تو آشکارا معلوم ہو رہے گا ناچار کو بہ کو اب تحقیق کرنے پھریے کچھ درد دل کا چارا معلوم ہو رہے گا پنہاں ہے اب تو لیکن مرنے کے بعد جرأتؔ درد دروں ہمارا معلوم ہو رہے گا
English rendering
Yaan hum ko jis ne maara maloom ho rahe ga Mehshar mein khoon hamaara maloom ho rahe ga Go phool phool kar ab to dekhti hai bulbul Gulshan ka par nazaara maloom ho rahe ga Jab bahr gham mein dooba de chhor dast o pa ko Aakhir tujhe kinaara maloom ho rahe ga Ae sabr dam ba dam ab dard o alam fuzoon hai Jitna hai dil ka yaara maloom ho rahe ga Ae aaftaab mehshar kholoon hoon daagh dil ka Chamka agar yeh taara maloom ho rahe ga Sad shukr aashiqon ka hone laga wufoor ab Sab hausla tumhaara maloom ho rahe ga Naqsh qadam se aakhir teri gali mein pyaare Jis ka hua guzaara maloom ho rahe ga Afsos raaz dil ka jaasoos sun gaye hain Qissa ab us ko saara maloom ho rahe ga Posheeda go hai tujh par ahwaal mere dil ka Hai yeh to aashkaara maloom ho rahe ga Naachaar ko ba ko ab tehqeeq karne phiriye Kuchh dard dil ka chaara maloom ho rahe ga Pinhaan hai ab to lekin marne ke baad Jurrat Dard daroon hamaara maloom ho rahe ga