یاں اس گلی سا کب کوئی بستاں ہے دوسرا
یاں اس گلی سا کب کوئی بستاں ہے دوسرا ہاں کچھ جو ہے تو روضۂ رضواں ہے دوسرا ہر دم یہ دو عدو ہیں پئے جان ناتواں اک درد عشق ہے غم ہجراں ہے دوسرا ہے طرفہ جان و دل کا دم اضطراب حال روکیں جو ایک کو تو گریزاں ہے دوسرا آئینہ جب وہ دیکھے تو کہتی ہیں چتونیں سچ ہے کہ ہم سا کب کوئی انساں ہے دوسرا وہ رک کے اٹھ چلا تو اسے کیونکہ روکئے اک دست ہے بہ دل بہ گریباں ہے دوسرا اس گھر کے در پہ جب ہوئے ہم خاک تب کھلا دروازہ آنے جانے کو اور یاں ہے دوسرا کیا دل جگر کی اس کی گلی میں کہیں خبر اک مر گیا اک آن کا مہماں ہے دوسرا رہیے ہمارے دل میں کہ لائق تمہارے کب ایسا مکاں بہ کشور دوراں ہے دوسرا ٹک سنیو زمزمے مرے دل کے کہ باغ میں کب اس طرح کا مرغ خوش الحاں ہے دوسرا ہے طرفہ قسمت اپنی کہ جس جا ہو ایک دوست واں دیکھیے تو جان کا خواہاں ہے دوسرا یعنی نشست ٹھہری کل اس در پہ تھی سو ہائے دیکھا جو آج جا کے تو درباں ہے دوسرا یکتا ہے دو جہان میں جرأتؔ علی کی ذات ایسا نہ کوئی یاں نہ کوئی واں ہے دوسرا
English rendering
Yaan is gali sa kab koi bustaan hai doosra Haan kuchh jo hai to rauza-e-rizwaan hai doosra Har dam yeh do adu hain pai-e-jaan naatawaan Ik dard ishq hai gham hijraan hai doosra Hai tarfa jaan o dil ka dam iztiraab haal Rokein jo ek ko to gurezaan hai doosra Aaina jab woh dekhe to kehti hain chutkiyaan Sach hai keh hum sa kab koi insaan hai doosra Woh ruk ke uth chala to use kyunkar rokiye Ik dast hai ba dil ba gareebaan hai doosra Us ghar ke dar pe jab hue hum khaak tab khula Darwaaza aane jaane ko aur yaan hai doosra Kya dil jigar ki us ki gali mein kahein khabar Ik mar gaya ik aan ka mehmaan hai doosra Rahiye hamaare dil mein keh laaiq tumhaare kab Aisa makaan ba kishwar dauraan hai doosra Tak suniyo zamzame mere dil ke keh baagh mein Kab is tarah ka murgh khush alhaan hai doosra Hai tarfa qismat apni keh jis ja ho ek dost Waan dekhiye to jaan ka khwaahaan hai doosra Yaani nashist thehri kal us dar pe thi so haaye Dekha jo aaj ja ke to darbaan hai doosra Yakta hai do jahaan mein Jurrat Ali ki zaat Aisa na koi yaan na koi waan hai doosra