یہ غضب بیٹھے بٹھائے تجھ پہ کیا نازل ہوا
یہ غضب بیٹھے بٹھائے تجھ پہ کیا نازل ہوا اٹھ چلا دنیا سے کیوں تو تجھ کو اے دل کیا ہوا شکل ہی ایسی بنائی ہے تری اللہ نے مت خفا ہو گر ہوا میں تجھ پہ مائل کیا ہوا ان دنوں حالت تری پاتا ہوں میں اپنی سی یار خوبرو تجھ سا کوئی تیرے مقابل کیا ہوا اے بت خونخوار اک زخمی ترے کوچے میں تھا سو کئی دن سے خدا جانے وہ گھائل کیا ہوا زنگ ہو کر قیس کا دل کارواں در کارواں نت یہ کہتا ہے کہ وہ لیلیٰ کا محمل کیا ہوا فکر مرہم مت کرو یارو یہ بتلاؤ مجھے جس کے ہاتھوں میں ہوا زخمی وہ قاتل کیا ہوا تھا جگر تو ٹکڑے ٹکڑے بر میں کیوں تڑپے ہے تو کیوں دلا تیغ جفا سے تو بھی بسمل کیا ہوا رنجشیں ایسی ہزار آپس میں ہوتی ہیں دلا وہ اگر تجھ سے خفا ہے تو ہی جا مل کیا ہوا اپنے بیگانے سبھی ہیں مت اٹھا محفل سے یار گر کسی ڈھب سے ہوا یاں میں بھی داخل کیا ہوا دیکھتے ہی تیری صورت مجھ کو اے آئینہ رو سخت حیرت ہے کہ پہلو میں نہیں دل کیا ہوا سوچ رہ رہ کر یہی آتا ہے اے جرأتؔ مجھے خلق کرنے سے مرے خالق کو حاصل کیا ہوا
English rendering
Yeh ghazab baithe bithaye tujh pe kya naazil hua Uth chala duniya se kyun tu tujh ko ae dil kya hua Shakl hi aisi banai hai teri Allah ne Mat khafa ho gar hawa main tujh pe maail kya hua In dinon haalat teri paata hoon main apni si yaar Khoobroo tujh sa koi tere muqaabil kya hua Ae but-e-khoonkhwaar ik zakhmi tere kooche mein tha So kai din se Khuda jaane woh ghaail kya hua Zang ho kar Qais ka dil kaarwaan dar kaarwaan Nit yeh kehta hai keh woh Laila ka mahmil kya hua Fikr-e-marham mat karo yaaro yeh batlao mujhe Jis ke haathon mein hua zakhmi woh qaatil kya hua Tha jigar to tukre tukre bar mein kyun tarpe hai tu Kyun dila tegh-e-jafa se tu bhi bismil kya hua Ranjishein aisi hazaar aapas mein hoti hain dila Woh agar tujh se khafa hai to hi ja mil kya hua Apne begaane sabhi hain mat utha mahfil se yaar Gar kisi dhab se hua yaan main bhi daakhil kya hua Dekhte hi teri soorat mujh ko ae aaina-roo Sakht hairat hai keh pahlu mein nahin dil kya hua Soch rah rah kar yehi aata hai ae Jurat mujhe Khalq karne se mere Khaaliq ko haasil kya hua